‘என் அக்கா’; கனிமொழி உடன் 20 ஆண்டுகால நட்பு: ரஜினி மகள் ஐஸ்வர்யா உருக்கம்!

திமுக எம்பி கனிமொழியை என் அக்கா என கூறிய ரஜினிகாந்த் மகள் ஐஸ்வர்யா, அவருடனான 20 ஆண்டு கால நட்பை உருக்கமாக பகிர்ந்து கொண்டார்.

கனிமொழி, ரஜினிகாந்த் மகள் ஐஸ்வர்யா

Rajinikanths daughter Aishwarya talked about 20 years of friendship with Kanimozhi

ByDravidan Times Bureau

Published on: November 27, 2024 at 9:32 am

Aishwarya Rajinikanth Kanimozhi friendship | ரஜினிகாந்தின் மூத்த மகள் ஐஸ்வர்யா, திமுக எம்பி கனிமொழி உடனான தனது 20 ஆண்டு கால நட்பை உருக்கமாக பகிர்ந்து கொண்டார். சூப்பர் ஸ்டார் ரஜினிகாந்தின் மூத்த மகளும், நடிகர் தனுஷின் முன்னாள் மனைவிமான ஐஸ்வர்யா திமுக எம்பி கனிமொழி உடனான தனது நட்பை பகிர்ந்து கொண்டார்.

அப்போது, ” கனிமொழியை தனது அக்கா எனக் கூறிய ஐஸ்வர்யா, அக்கா அரசியலுக்காக பிறந்தவர். அவருக்கு அரசியல் தவிர வேறு எதுவும் தெரியாது; அக்கா பல நேரங்களில் எனக்கு வழிகாட்டியாக இருந்துள்ளார்.

அவருக்கு கடவுள் நம்பிக்கை கிடையாது. நான் எந்த ஊருக்கு சென்றாலும் அக்கா எனக்கு உதவி செய்வார். என் மனது கடினமாக இருக்கும்போது நான் அக்காவிடம் போன் பேசுவேன். அக்கா எனது குடும்ப உறுப்பினர் போல் என்னிடம் பழகுவார்” என தெரிவித்துள்ளார்.

ஐஸ்வர்யா ரஜினிகாந்தின் இந்த பேட்டி சமூக வலைதளங்களில் வைரலாகியுள்ளது. ரஜினிகாந்தின் மூத்த மகளான ஐஸ்வர்யா இயக்குனராக தமிழ் சினிமாவில் அறிமுகமானார். இவர் தனுசை வைத்து 3 என்ற படத்தை முதன் முதலில் இயக்கியிருந்தார். அதன்பின்னர் வை ராஜா வை, லால் சலாம் உள்ளிட்ட படங்களை இயக்கினார். இந்த படங்கள் கலவையான விமர்சனங்களை பெற்றன.

ஐஸ்வர்யா தனுஷ் திருமண வாழ்க்கை 18 ஆண்டுகள் வரை நீடித்தது. இந்த ஜோடி 2022 ஆம் ஆண்டு விவாகரத்திற்கு விண்ணப்பித்திருந்தனர். இருவரையும் சமாதானப்படுத்த தற்பொது வரை முயற்சிகள் நடைபெற்று வருவதாக கூறப்படுகிறது. தனுஷ் ஐஸ்வர்யா ஜோடிக்கு லிங்கா மற்றும் யாத்ரா என இரு குழந்தைகள் உள்ளனர் என்பது குறிப்பிடத்தக்கது.

இதையும் படிங்க ‘தேவையற்ற செலவு; முன்னாள் கணவருக்கு அளித்த பரிசு’: சமந்தா ஹாட் டாக்!