நடிகர் ரவி மோகனுக்கு நடிகை மீரா சோப்ரா ஆதரவு.. யார் இவர் தெரியுமா?

Ravi Mohan : நடிகர் ரவி மோகனுக்கு பிரபல நடிகை மீரா சோப்ரா ஆதரவு தெரிவித்துள்ளார். யார இவர் தெரியுமா?

ரவி மோகன், நடிகை மீரா சோப்ரா

ByPushpa Gopinath

Published on: May 17, 2026 at 3:45 pm

மும்பை, மே 17, 2026: தமிழ் நடிகர் ரவி மோகன் தனது தனிப்பட்ட வாழ்க்கை குறித்த குற்றச்சாட்டுகளை வெளியிட்ட பத்திரிகையாளர் சந்திப்புக்குப் பிறகு, பிரியங்கா சோப்ராவின் சகோதரி மீர்ரா சோப்ரா மற்றும் நடிகை அம்பிகா அவருக்கு ஆதரவு தெரிவித்துள்ளனர். இருவரும் ரவியின் நிலைமை “மிகுந்த சோகமானது” எனக் குறிப்பிட்டு, அவர் நீதியை பெற வேண்டும் என வலியுறுத்தியுள்ளனர்.

நடிகர் ரவி மோகன் மனைவி ஆர்த்தியை பிரிந்து வாழ்கிறார்; இவர் தனது முன்னாள் மனைவி ஆர்த்தி மீது குற்றச்சாட்டுகளை முன்வைத்து, தன்னுடைய மகன்களை சந்திக்க அனுமதி மறுக்கப்படுவதாக தெரிவித்து இருந்தார். மேலும், திருமண வாழ்க்கை முழுவதும் தன்னை அவமதித்ததாகவும், கருப்பு மந்திரம் காரணமாக உடல் நல பிரச்சினைகள் ஏற்பட்டதாகவும் கூறினார். இது மட்டுமின்றி, “விவாகரத்து முடியும் வரை எந்தப் படமும் வெளியிட மாட்டேன்” என அறிவித்தார்.

மீரா சோப்ரா

இந்த நிலையில், பாலிவுட் நடிகை மீரா சோப்ரா, “ரவி மிகவும் இனிமையான, எளிமையான மனிதர். அவர் தனது உண்மையையும் நீதியையும் பெற வேண்டும்” எனத் தெரிவித்துள்ளார்.
தொடர்ந்து, தனது சமூக வலைதளத்தில் ரவியின் புகைப்படங்களை பகிர்ந்து, #RaviMohan என ஆதரவு தெரிவித்தார்.

அம்பிகா ஆதரவு

நடிகை அம்பிகா, “ரவி இப்படி சோகமாக இருப்பது மிகவும் வருத்தமானது. அவரது முகமும் கண்களும் அழுத்தத்தால் மாறிவிட்டன. வலி என்பது பாலினம் சார்ந்தது அல்ல; அது அனைவருக்கும் ஒரே மாதிரி தாக்கம் செய்கிறது” என்றார். மேலும், “ரவியை தனியாக விட வேண்டும், அவர் தனது பிரச்சினைகளைத் தீர்த்துக்கொள்வார்” எனவும் நடிகை அம்பிகா தெரிவித்துள்ளார்.

இதையும் படிங்க : நடிகர் முத்துக்காளை மனைவிக்கு உடல் நலக்குறைவு.. முதலமைச்சர் விஜய் உதவி!