ஃபயர் படத்தை தியேட்டரில் மிஸ் பண்ணிட்டீங்களா.. மார்ச் 28 ஓடிடியில் ரிலீஸ்!

Fire OTT Release: நடிகை ரட்சிதா மகாலட்சுமி உள்ளிட்ட பலர் நடித்திருந்த ஃபயர் திரைப்படம் OTT-யில் வெளியாகிறது.

ரட்சிதா மகாலட்சுமி

ByAkila Ramakrishnan

Published on: March 27, 2025 at 11:21 pm

பிக் பாஸ் பிரபலம் ரட்சிதா மகாலட்சுமி உள்ளிட்ட பலர் நடித்திருந்த படம் பெயர் ஃபயர் . அறிமுக இயக்குனர் சதீஷ்குமார் டைரக்ஷனில் இந்தப் படம் உருவாகி இருந்தது. பிக் பாஸ் சீசன் 4 பிரபலம் பாலாஜி முருகதாஸ் படத்தில் கதையின் நாயகனாக நடித்திருந்தார். இந்தப் படத்தில் நாயகிகளுக்கு பஞ்சமில்லை.

ரட்சிதா மகாலட்சுமி, சாந்தினி தமிழரசன், காயத்ரி சரண் மற்றும் சாட்சி அகர்வால் என ஒரு பெரும் பட்டாளமே இருந்தது. இவர்கள் தவிர படத்தில் சிங்கம் புலி மற்றும் பலரும் முக்கிய கதாபாத்திரத்தில் நடித்திருந்தனர்.

இந்தப்படம் ஒரு உண்மை சம்பவத்தை மையமாகக் கொண்டு கதைக்களம் அமைக்கப்பட்டுள்ளது. 2020 நாகர்கோவில் காசி என்பவரது வழக்கை மைய கதைக்களமாக கொண்டு இந்த படம் தயாரிக்கப்பட்டுள்ளது.

நாகர்கோவில் காசி வழக்கை போன்று இந்த திரைப்படமும் சர்ச்சையில் சிக்கியது; குறிப்பாக ரச்சிதா மகாலட்சுமி அதீத கவர்ச்சியில் நடித்திருப்பதாக கூறப்பட்டது. மேலும் அவர் மழையில் நனைந்து இருப்பது போன்ற காட்சிகளும் வைக்கப்பட்டு இருந்தன.

இதற்கிடையில் இந்த படம் குறித்து பேசிய நடிகர் பாலாஜி முருகதாஸ், ” இயக்குனர் வாழ சொன்னார் வாழ்ந்தேன்” என பேசியதாகவும் சர்ச்சைகள் இருந்தன. இந்த நிலையில் இத்திரைப்படம் தற்போது OTT ரிலீசுக்கு தயாராகி உள்ளது.

அதன்படி ஃபயர் திரைப்படம் 2025 மார்ச் 28ஆம் தேதி டென்ட்கொட்டா என்ற OTT தளத்தில் வெளியாக உள்ளது. ஆக ஃபயர் திரைப்படத்தை தியேட்டரில் பார்க்க முடியாதவர்கள் வீட்டிலிருந்தே ஓ.டி.டி தளத்தில் பார்க்கலாம் என்பது குறிப்பிடத்தக்கது.

இதையும் படிங்க: சமந்தாவுக்கு இப்படி ஒரு கனவா? நிறைவேறாமல் போச்சே.. அச்சச்சோ!