கருப்பு படத்தில் திரிஷாவுக்கு குரல் கொடுத்த சின்மயி.. வெளியில் சொல்ல அச்சம்? ஏன்?

Chinmayi Feared : கருப்பு படத்தில் திரிஷாவுக்கு பாடகி சின்மயி குரல் கொடுத்துள்ளார்; இது குறித்து அவர் வெளிப்படையாக கூறியுள்ளார்.

திரிஷா, சின்மயி

ByPushpa Gopinath

Published on: May 17, 2026 at 5:32 pm

சென்னை, மே 17, 2026: பாடகி மற்றும் டப்பிங் கலைஞரான சின்மயி ஸ்ரிபாதா, ‘கருப்பு’ திரைப்படத்தில் நடிகை த்ரிஷாவுக்காக டப்பிங் செய்ததை வெளிப்படையாகச் சொல்ல அஞ்சியதாக தெரிவித்துள்ளார்.
மேலும், ‘லியோ’ படத்தில் டப்பிங் செய்தபோது ஏற்பட்ட எதிர்வினைகள் காரணமாக, மீண்டும் அதே நிலை உருவாகுமோ என்ற பயம் அவருக்கு இருந்ததாகவும், சில காட்சிகள் அவருக்கு உணர்ச்சிகரமான நினைவுகளை தூண்டியதாகவும் கூறினார்.

கருப்பு திரைப்படம் சூர்யா–திரிஷா நடிப்பில் ஆர்.ஜே பாலாஜி இயக்கிய படமாகும். இந்தப் படத்தில் திரிஷாவின் ‘ப்ரீதி’ என்ற கதாபாத்திரத்துக்கு சின்மயி குரல் கொடுத்துள்ளார்.
இந்நிலையில், சில காட்சிகள் அவருக்கு கடந்த கால நினைவுகளை மீண்டும் தூண்டியதால், டப்பிங் செய்யும்போது அழுததாக தெரிவித்துள்ளார்.

அச்சம் ஏன்?

முன்னதாக, 2023-இல் ‘லியோ’ படத்தில் சின்மயி டப்பிங் செய்தபோது, தொழில்துறை சங்கங்களின் எதிர்ப்பு ஏற்பட்டது. முன்னதாக, 2018-இல் #MeToo இயக்கத்தில் பேசியதற்குப் பிறகு, தமிழ் டப்பிங் யூனியனில் இருந்து சின்மயி நீக்கப்பட்டார். இந்நிலையில் சின்மயி, “ஆர்.ஜே பாலாஜி மீது நம்பிக்கை வைத்ததற்காக நன்றி தெரிவித்தார். தொடர்ந்து, “இனி பயமின்றி வேலை செய்ய விரும்புகிறேன்” எனவும் குறிப்பிட்டுள்ளார்.

இதற்கிடையில், சின்மயி குரல் நடிப்புக்கு ரசிகர்கள் பாராட்டுகளை தெரிவித்துள்ளனர்.

இதையும் படிங்க : நடிகர் ரவி மோகனுக்கு நடிகை மீரா சோப்ரா ஆதரவு.. யார் இவர் தெரியுமா?