சர்ப்ரைஸ் விசிட் அடித்த சிவகார்த்திகேயன்.. கன்னத்தில் முத்தமிட்ட சூரி..!

Actor Siva Karthikeyan: தனது படத்தின் படப்பிடிப்பு தளத்திற்கு சர்ப்ரைஸ் விசிட் அடித்த சிவகார்த்திகேயனுக்கு நன்றி தெரிவிக்கும் விதமாக அவரது கன்னத்தில் முத்தமிட்டு அன்பை வெளிப்படுத்தினார் நடிகர் சூரி.

நடிகர் சூரி, நடிகர் சிவகார்த்திகேயன்

Actor Siva Karthikeyan visited the Maman shooting set

ByAkila Ramakrishnan

Published on: April 13, 2025 at 2:59 pm

திருச்சி ஏப்ரல் 13 2025: தமிழ் சினிமாவின் நேர்த்தியான இயக்குனர் என பெயர் எடுத்த வெற்றிமாறனின் விடுதலை படத்தில் நடித்ததற்கு பின்பு நடிகர் சூரியின் வாழ்க்கையில் மிகப்பெரிய திருப்புமுனை ஏற்பட்டது.

இந்தப் படத்திற்கு பின்பு நடிகர் சூரி சிவகார்த்திகேயன் தயாரிப்பில் பொட்டுக்காலி என்ற திரைப்படத்தில் நடித்தார். இந்தப் படத்திற்கு முன்பு அவர் நடிப்பில் வெளியான கருடன் என்ற திரைப்படம் மிகப்பெரிய வெற்றியை பெற்றிருந்தது.

இதற்கிடையில் நடிகர் சூரி தற்போது நடிகர் நிவின் பாலி உடன் இணைந்து ஒரு படத்தில் நடித்து வருகிறார். ஏழு கடல் ஏழுமலை என பெயரிடப்பட்டுள்ள இந்தப் படத்தை இயக்குனர் ராம் டைரக்ட் செய்து வருகிறார்.
மேலும் நடிகர் சூரி மாமன் என்ற படத்தில் கதாநாயகனாக நடித்து வருகிறார். இந்தப் படத்தில் நடிகை ஐஸ்வர்யா லட்சுமி கதாநாயகியாக நடித்து வருகிறார். இந்தப் படத்தின் படப்பிடிப்புகள் திருச்சியில் நடைபெற்று வருகின்றன.

இந்த நிலையில், படப்பிடிப்பு தளத்திற்கு நடிகர் சிவகார்த்திகேயன் சர்ப்ரைஸ் விசிட் அடித்துள்ளார். இதை சற்றும் எதிர்பார்க்காத நடிகர் சூரி, சிவகார்த்திகேயன் கன்னத்தில் முத்தமிட்டு தனது அன்பை வெளிப்படுத்தியுள்ளார்.

Thanks a lot Thambi @Siva_Kartikeyan for spreading your love and gracing us with your presence on the #Maaman sets. Your aura brought so much happiness and joy to all of us.❤️ pic.twitter.com/qDVtk8PE7R
— Actor Soori (@sooriofficial) April 11, 2025

மேலும் சிவகார்த்திகேயனும் மாமன் படக் குழுவினருக்கு வாழ்த்துக்கள் தெரிவித்துள்ளார். இது தொடர்பாக நடிகர் சூரி தனது ட்விட்டர் எக்ஸ் தளத்தில், ” தங்களின் அன்பை வெளிப்படுத்தியதற்கு மிக்க நன்றி தம்பி; உங்களின் வருகையால் எங்கள் பட குழுவினர்களுக்கு மகிழ்ச்சி” என பதிவிட்டுள்ளார்.

இதையும் படிங்க: ரஜினி, கமல் நிராகரித்து அர்ஜுன் நடிப்பில் வெற்றி பெற்ற படம்!