ரஜினியின் கூலி படத்தில் அமீர் கான்; வெளியான புதிய அப்டேட்!

Aamir Khan in Rajinikanths Coolie | ரஜினிகாந்தின் கூலி படத்தில் அமீர் கான் இணைந்து நடிக்கிறார்.

ரஜினிகாந்த் உடன் அமீர் கான்.

ByDravidan Times Bureau

Published on: October 23, 2024 at 7:14 pm

Updated on: October 24, 2024 at 5:47 pm

Aamir Khan in Rajinikanths Coolie | சூப்பர் ஸ்டாரான ரஜினிகாந்த் தற்போது நடித்து வரும் ‘கூலி’ திரைப்படம் மிகுந்த எதிர்பார்ப்பை ஏற்படுத்தியுள்ளது. இதுவரை இரண்டு முக்கிய ஷெட்யூல்களை படக்குழு முடித்துள்ளது. அதே நேரத்தில், ‘கூலி’ செட் தொடர்பான முக்கிய தகவல்கள் வெளியாகி வருகின்றன.

இதற்கிடையில், சிதாரே ஜமீன் பர் படத்திற்கு தயாராகி வரும் அமீர்கான், தனது ரசிகர்களுக்கு மேலும் ஒரு சர்ப்ரைஸ் போட்டுள்ளார். அதன்படி, இயக்குனர் லோகேஷ் கனகராஜின் கூலி படத்திலும் இணைய உள்ளார் எனத் தகவல்கள் வெளியாகியுள்ளன.

முன்னதாக, ‘கூலி’ படத்தில் ஷாருக்கான் அல்லது ரன்வீர் சிங் சிறப்பு கேமியோவில் நடிப்பார்கள் என்று பாலிவுட் ஊடகங்களில் செய்திகள் பரவின. தற்போது ‘கூலி’ படத்தின் முக்கிய காட்சிகளை வைசாக்கில் படமாக்கி வருகின்றனர்.

இப்படத்தின் முதல் பாகம் முழுவதுமாக முடிவடைந்து விட்டதாக முதலில் தகவல் வெளியானது. படத்தின் கதை, திரைக்கதை மற்றும் வசனங்கள் ரசிகர்களின் எதிர்பார்ப்பை பூர்த்தி செய்யும் வகையில் கவனமாக தயார் செய்யப்பட்டுள்ளதாக படக்குழுவினர் தெரிவித்துள்ளனர்.

மீதமுள்ள பகுதியை விரைவாக முடிக்க குழு தயாராக உள்ளது. இந்த நிலையில் அமீர் கான் இணையும் பரபரப்பான செய்தியை ‘கூலி’யின் இணை எழுத்தாளர்களில் ஒருவரான சந்துரு இன்ஸ்டாகிராமில் அதிகாரப்பூர்வமாக பகிர்ந்துள்ளார்.

அனிருத் ரவிச்சந்தர் இசையமைக்க, சன் பிக்சர்ஸ் நிறுவனம் தயாரித்துள்ள படம் கூலி. அதே சமயம் 2025-ம் ஆண்டு படத்தை வெளியிடத் திட்டமிட்டுள்ளனர். தகவல்படி ‘கூலி’ லோகேஷ் சினிமாடிக் யுனிவர்ஸ் படமாக இருக்காது எனக் கூறப்படுகிறது.

இதையும் படிங்க அமேசான் தளத்தில் வேட்டையன்: எப்போது ரிலீஸ் தெரியுமா?