Tamil Nadu GST Share Demand: தமிழகத்துக்கு அதிக ஜி.எஸ்.டி பங்கு வழங்க வேண்டும்; ஏற்றுமதி மாநிலங்களுக்கு சிறப்பு தொகுப்பு கோரிக்கையை நிதியமைச்சர் மரிய வில்சன் எழுப்பியுள்ளார்.
Tamil Nadu GST Share Demand: தமிழகத்துக்கு அதிக ஜி.எஸ்.டி பங்கு வழங்க வேண்டும்; ஏற்றுமதி மாநிலங்களுக்கு சிறப்பு தொகுப்பு கோரிக்கையை நிதியமைச்சர் மரிய வில்சன் எழுப்பியுள்ளார்.
Published on: October 9, 2026 at 11:23 am
புதுடெல்லி, அக்.9, 2026: புதுடெல்லியில் நடைபெற்ற 57-வது ஜிஎஸ்டி கவுன்சில் கூட்டத்தில், தமிழ்நாட்டின் சார்பில் பங்கேற்ற நிதி, திட்டமிடல் மற்றும் மேம்பாட்டுத் துறை அமைச்சர் என். மரிய வில்சன், மாநிலங்களுக்கு ஜிஎஸ்டி வருவாயில் அதிக பங்கு வழங்க வேண்டும் என வலியுறுத்தினார்.
தற்போது மத்திய அரசு மற்றும் மாநிலங்களுக்கு இடையே 50:50 என்ற அடிப்படையில் பகிரப்படும் ஜிஎஸ்டி வருவாயில், மாநிலங்களுக்கான பங்கை 70 சதவீதமாகவும், மத்திய அரசின் பங்கை 30 சதவீதமாகவும் மாற்ற வேண்டும் என அவர் கோரிக்கை விடுத்தார். மாநிலங்கள் 60 சதவீதத்துக்கும் அதிகமான பொதுச் செலவினங்களை ஏற்றுக்கொள்வதால், நிதி சமநிலையைப் பேணுவதற்கு அதிக வருவாய் பங்கு அவசியம் என அவர் தெரிவித்தார்.
மேலும், தமிழ்நாடு போன்ற ஏற்றுமதி சார்ந்த மாநிலங்களுக்கு ஜிஎஸ்டி வருவாய் பகிர்வு மற்றும் நிதிப் பகிர்வு முறைக்கு வெளியே சிறப்பு நிதித் தொகுப்பை மத்திய அரசு வழங்க வேண்டும் என அமைச்சர் கோரினார். இதன் மூலம் உள்கட்டமைப்பு மற்றும் சமூக உள்கட்டமைப்புகளில் மாநிலங்கள் கூடுதல் முதலீடு செய்து, சர்வதேச சந்தையில் போட்டித்திறனை மேம்படுத்த முடியும் என அவர் கூறினார். ஏற்றுமதிக்கான ரீஃபண்ட் வழங்குவதில் மூலதனப் பொருட்களுக்கான உள்ளீட்டு வரிச் சலுகையையும், இன்வெர்டட் டியூட்டி அமைப்பில் உள்ளீட்டு சேவைகளையும் சேர்க்கும் திட்டங்களுக்கு தமிழ்நாடு ஆதரவு தெரிவித்தது.
இதனிடையே, அரிசி உள்ளிட்ட அத்தியாவசிய உணவுப் பொருட்களுக்கு அளவைப் பொருட்படுத்தாமல் ஜிஎஸ்டி விலக்கு வழங்க வேண்டும் என்றும், குறு, சிறு மற்றும் நடுத்தர தொழில் நிறுவனங்களின் பணப்புழக்கச் சுமையை குறைக்கும் வகையில் ஜாப் வொர்க் சேவைகளுக்கான ஜிஎஸ்டியை 18 சதவீதத்தில் இருந்து 5 சதவீதமாக குறைக்க வேண்டும் என்றும் தமிழ்நாடு தரப்பில் வலியுறுத்தப்பட்டது. மேலும், சிறிய தொகை தொடர்பான வரி வழக்குகள் மற்றும் நோட்டீஸ்களால் ஏற்படும் இணக்கச் சுமையை குறைக்க, ஜிஎஸ்டி சட்டத்தின் குறிப்பிட்ட பிரிவுகளின் கீழ் நோட்டீஸ் வழங்க குறைந்தபட்சமாக ரூ.10,000 வரி தொகை நிர்ணயிக்க வேண்டும் என்றும் கோரிக்கை விடுக்கப்பட்டது.
இதையும் படிங்க : இந்திய ரூபாய் மதிப்பு 10 காசுகள் சரிவு.. இந்திய பணம் அழுத்தத்தை சந்திப்பது ஏன்?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
