இந்திய ரூபாய் மதிப்பு கடும் வீழ்ச்சி.. 3 முக்கிய காரணங்கள்!

Rupee Hits Record Low: அமெரிக்க டாலருக்கு எதிரான இந்திய ரூபாயின் மதிப்பு வரலாறு காணாத சரிவை சந்தித்துள்ளது; 3 முக்கிய காரணங்கள் குறித்து பார்க்கலாம்.

இந்திய ரூபாய் மதிப்பு சரிவு

BySaranya JK

Published on: May 17, 2026 at 2:12 pm

மும்பை, மே 17, 2026: இந்திய ரூபாய் மதிப்பு வரலாற்றிலேயே மிகக் குறைந்த நிலைக்கு சரிந்துள்ளது. தற்போது 1 அமெரிக்க டாலருக்கு ரூ.96.07 என்ற அளவுக்கு வீழ்ச்சி கண்டுள்ளது. இதற்கான முக்கிய காரணிகள், உயர்ந்த கச்சா எண்ணெய் விலை, வெளிநாட்டு முதலீட்டாளர்களின் பணவெளியேற்றம், மற்றும் உலகளாவிய அரசியல் பதற்றம் ஆகும்.

ரூபாய் வீழ்ச்சியின் முக்கிய காரணிகள்

உயர்ந்த கச்சா எண்ணெய் விலை

கடந்த 11 வாரங்களாக எண்ணெய் விலை 100 அமெரிக்க டாலர் மேல் நிலைத்துள்ளது. தற்போது, பிரெண்ட் கச்சா எண்ணெய் $109 முதல் $105 என்ற அளவில் உள்ளது. இந்தியா அதிக அளவில் எண்ணெய் இறக்குமதி செய்கிறது; டாலரில் விலை நிர்ணயம் செய்யப்படுவதால் ரூபாயின் மதிப்பு குறைகிறது.

வெளிநாட்டு முதலீட்டாளர்களின் பணவெளியேற்றம்

2026 ஆம் ஆண்டில் இதுவரை ₹2 லட்சம் கோடி மதிப்பிலான பங்குகளை வெளிநாட்டு முதலீட்டாளர்கள் விற்று வெளியேற்றியுள்ளனர். தென் கொரியா, தைவான் போன்ற நாடுகளில் ஏ.ஐ எனப்படும் செயற்கை தொழில்நுட்பம் வளர்ச்சியால் அங்கு முதலீடு அதிகரித்துள்ளது.

உலகளாவிய அரசியல் பதற்றம்

அமெரிக்கா–இரான் மோதல், ஹோர்முஸ் நீரிணை மூடப்பட்டிருப்பது, மற்றும் அமெரிக்க–சீனா உச்சி மாநாட்டில் தீர்வு எதுவும் இல்லாதது ஆகியவை சந்தையில் அச்சத்தை ஏற்படுத்தி ரூபாயை மேலும் பலவீனப்படுத்தியுள்ளது.

இந்திய பொருளாதாரத்தின் தாக்கம்

இந்தியாவை பொறுத்தமட்டில் பணவீக்கம் அதிகரிக்கும் அபாயம் உள்ளது; எண்ணெய் விலை உயர்வால் போக்குவரத்து, உற்பத்தி செலவுகள் அதிகரிக்கின்றன.

மேலும், வெளிநாட்டு செலாவணி கையிருப்பு அழுத்தம் அதிகரிக்கிறது. இதனால், பங்குச் சந்தை குறைவடைந்து முதலீட்டாளர்களின் நம்பிக்கை பாதிக்கப்படுகிறது என்பது குறிப்பிடத்தக்கது.

இதையும் படிங்க : பி.பி.எஃப் முதலீடு கால்குலேட்டர்.. ரூ.1,50 லட்சம் முதலீடு.. எவ்வளவு ரிட்டன்?