வருமான வரித் தாக்கலில் புதிய உச்சம்: 9.19 கோடி தாக்கல்; முதலிடம் யார் தெரியுமா?

Income Tax Returns FY25: 2025 மார்ச் 31 வரை 9.19 கோடி வருமான வரி தாக்கல்கள் சமர்பிக்கப்பட்டுள்ளன.

வருமான வரி

BySaranya JK

Published on: April 11, 2025 at 9:53 pm

வருமான வரித்துறை கடந்த மாதம் மார்ச் மாத இறுதிக்குள் 9.19 கோடிக்கும் அதிகமானோர் நிதியாண்டுக்கான வருமான வரிக் கணக்கைத் தாக்கல் செய்துள்ளனர். இது, புதிய சாதனையாக பார்க்கப்பட்டுள்ளது. வருமான வரி போர்ட்டலில் பகிரப்பட்ட தரவுகளின்படி, இந்த நேரத்தில் மின்னணு சரிபார்ப்பு வருமானங்களின் மொத்த எண்ணிக்கை 8.64 கோடியாக இருந்தது எனத் தெரிவிக்கப்பட்டுள்ளது.

அதில் ரூ.4,35,008 கோடி பணத்தைத் திரும்பப் பெற்றுள்ளனர். இதில் ரூ.5 லட்சத்திற்கும் குறைவான வருமானம் கொண்ட சுமார் 4.19 கோடி பேர் உள்ளனர். மேலும், இதில் ரூ.1 கோடிக்கு மேல் வருமானம் ஈட்டிய 3.24 லட்சம் பேரும் அடங்குவர்.

தொடர்ந்து, ரூ.5 லட்சம் முதல் ரூ.10 லட்சம் வரை வருமானம் ஈட்டியதாக 3.4 கோடி வரி செலுத்துவோர் இருந்தனர். மேலும் 1.34 கோடி பேர் ரூ.10 லட்சம் முதல் ரூ.50 லட்சம் வரை வருமானம் ஈட்டியதாக அறிவித்துள்ளனர்.

இதற்கிடையில், கடந்த சில ஆண்டுகளில் வரி செலுத்துவோரின் எண்ணிக்கை அதிவேகமாக வளர்ந்துள்ளதாகவும் வருமான வரித் துறை சுட்டிக்காட்டியுள்ளது. அந்த வகையில், நிதியாண்டு 2023 இல் 7.78 கோடி வருமான வரி வருமானத்தில் இருந்து நிதியாண்டு 2024 இல் 8.52 கோடி வருமான வரி வருமானமாக உயர்ந்துள்ளது.

சமீபத்திய பட்டியலில் மகாராஷ்டிரா 1.39 கோடி மக்களுடன் முதலிடத்திலும், டெல்லி 44.66 லட்சம் வருமான வரி தாக்கல் செய்பவர்களுடன் இரண்டாவது இடத்திலும் உள்ளது.

இதையும் படிங்க: ரெப்போ விகிதம் 0.25 சதவீதம் குறைப்பு : ரிசர்வ் வங்கி அறிவிப்பு