தங்கத்தை வாங்கி குவிக்கும் மத்திய வங்கிகள்.. என்ன காரணம்?

Global gold market trends : 2026 ஏப்ரல் மாதத்தில் பல்வேறு நாடுகளின் மத்திய வங்கிகள் தங்கத்தை வாங்கிக் குவித்துள்ளன.

தங்க முதலீடு

BySaranya JK

Published on: June 5, 2026 at 12:38 pm

புதுடெல்லி, ஜுன் 5, 2026: ஏப்ரல் மாதத்தில் உலகளாவிய மத்திய வங்கிகள் மொத்தம் 17 டன் தங்கத்தை வாங்கியுள்ளன. மார்ச் மாதத்தில் விற்பனை அதிகரித்திருந்த நிலையில், ஏப்ரல் மாதத்தில் மீண்டும் தங்கம் வாங்கும் போக்கு அதிகரித்துள்ளது. இதனால், தங்க சந்தையில் நிலைமாற்றம் ஏற்பட்டுள்ளது.

சீனா, இந்தியா, கஜகஸ்தான் போன்ற நாடுகளின் மத்திய வங்கிகள் தங்கம் வாங்கிய முக்கிய நாடுகளாக உள்ளன. குறிப்பாக, சீன மத்திய வங்கி தொடர்ந்து தங்கம் வாங்கி வரும் நிலையில், ஏப்ரல் மாதத்திலும் அதிகளவில் தங்கம் வாங்கியுள்ளது.

மற்றொரு பக்கம், சில நாடுகள் தங்கத்தை விற்பனை செய்துள்ளன. குறிப்பாக, உஸ்பெகிஸ்தான் மற்றும் சில சிறிய நாடுகள் தங்கள் கையிருப்பிலிருந்த தங்கத்தை விற்பனை செய்ததாக தகவல்கள் தெரிவிக்கின்றன. இதனால், உலகளாவிய தங்க சந்தையில் வாங்கும் மற்றும் விற்கும் நிலைமைகள் சமநிலையை மாற்றியுள்ளன.

மத்திய வங்கிகள் தங்கத்தை வாங்குவது, உலகளாவிய பொருளாதாரத்தில் பாதுகாப்பான முதலீடாக கருதப்படுகிறது. தங்கம் வாங்கும் போக்கு அதிகரிப்பது, எதிர்காலத்தில் சந்தை நிலைமைகள் மற்றும் நாணய மதிப்பில் ஏற்படும் மாற்றங்களை சமாளிக்க உதவும் என நிபுணர்கள் கூறுகின்றனர்.

இதையும் படிங்க : ரூபாய் மதிப்பு தொடர் சரிவு.. ரெப்போ வட்டி விகிதத்தில் மாற்றம்?