ஜி.எஸ்.டி 2.0 திருத்தம்.. 7.71 சதவீத வளர்ச்சி.. புதிய உச்சத்தில் ஆட்டோமொபைல் துறை!

GST: இந்தியாவின் வாகனத் துறை கடந்த ஆண்டு 7.71% வளர்ச்சி கண்டது. இதற்கு முக்கிய காரணம் GST 2.0 சீர்திருத்தங்கள் மற்றும் விலைக் குறைப்புகள் ஆகும்.

இந்தியாவில் வாகனத் துறை வளர்ச்சி

BySaranya JK

Published on: January 7, 2026 at 2:24 pm

புதுடெல்லி, ஜன.7, 2026: GST 2.0 சீர்திருத்தங்கள் மற்றும் பண்டிகை கால தேவை காரணமாக, இந்திய வாகனத் துறை 2025-இல் வலுவான முன்னேற்றம் கண்டது. கிராமப்புற சந்தையின் பங்கு அதிகரித்திருப்பது, தனிப்பட்ட போக்குவரத்து இந்தியாவின் அடுத்த வளர்ச்சியை நோக்கி நகர்வதை காட்டுகிறது.

அதாவது வாகன விற்பனை மெட்ரோ நகரங்களைத் தாண்டி, கிராமப்புறங்களில் கூட விரிவடைந்து வருகிறது. இது அடுத்த 3 மாதங்களில் விற்பனை வேகம் மேலும் உயரும் என நம்பிக்கை ஏற்பட்டுள்ளது.
அதாவது தற்போது, GST 2.0 சீர்திருத்தங்கள் காரணமாக வாகன விலைகள் குறைந்து, வாங்கும் திறன் அதிகரித்து காணப்படுகிறது.

முக்கிய தரவுகள்

மொத்த விற்பனை: 2 கோடி 81 லட்சம் யூனிட்கள் கடந்த ஆண்டு விற்பனை செய்யப்பட்டது.
வளர்ச்சி வீதம்: ஆண்டு தோறும் (YoY) 7.71% வளர்ச்சி.
இருசக்கர வாகனங்கள்: 7.24% வளர்ச்சி – மிகப்பெரிய பங்கு.
பயணிகள் வாகனங்கள்: 9.7% வளர்ச்சி.
கிராமப்புற பயணிகள் வாகனங்கள்: 12% மேல் வளர்ச்சி, நகரப் பகுதிகளில் 8% மட்டுமே.
டிசம்பர் மாதம்: 14.63% YoY வளர்ச்சி – பயணிகள் வாகனங்கள், வணிக வாகனங்கள், மூன்று சக்கர வாகனங்கள் முன்னிலை.

இதையும் படிங்க: உத்தரப் பிரதேசத்தில் சிறப்பு வாக்காளர் திருத்தம்.. 2.89 கோடி வாக்காளர்கள் நீக்கம்!