வீர சாவர்க்கருக்கு பாரத ரத்னா கொடுத்தால் விருதின் புகழ் மேலும் கூடும்.. மோகன் பகவத்!

Bharat Ratna demand for VD Savarkar: “பாரத் ரத்னா விருது வீர சாவர்க்கருக்கு வழங்கப்பட்டால் அதன் பெருமை மேலும் உயரும்” என மோகன் பகவத் கூறியுள்ளார்.

ஆர்.எஸ்.எஸ் தலைவர் மோகன் பகவத்

RSS chief Mohan Bhagwat says Bharat Ratnas prestige will increase if given to VD Savarkar

ByJayakrishnan R

Published on: February 8, 2026 at 2:06 pm

புதுடெல்லி, பிப்.8, 2026: “பாரத் ரத்னா விருது வீர சாவர்க்கருக்கு வழங்கப்பட்டால் அதன் பெருமை மேலும் உயரும்” என ஆர்.எஸ்.எஸ் தலைவர் மோகன் பகவத் கூறியுள்ளார்.
இந்தியாவின் மிக உயர்ந்த குடிமகன் விருதான பாரத ரத்னா விருதை இந்துத்துவா வலதுசாரி சித்தாந்தவாதியான வீர சாவர்க்கருக்கு வழங்க வேண்டும் என்ற கோரிக்கைக்கு வலு சேர்க்கும் விதமாக இது அமைந்துள்ளது.

அதாவது, பாரதிய ஜனதா கட்சியின் சித்தாந்த தாய் அமைப்பான ஆர்.எஸ்.எஸ். தலைவரான மோகன் பகவத், “வீரசாவர்க்கருக்கு பாரத ரத்னா என்பது, இந்த விருதின் கௌரவத்தை உண்மையில் உயர்த்தும் என்று கூறியுள்ளார். ராஷ்ட்ரிய சுயம்சேவக் சங்கத்தின் (ஆர்எஸ்எஸ்) நூற்றாண்டு விழாவைக் குறிக்கும் நிகழ்ச்சியில் கலந்து கொண்டவர்களுடனான ஒரு கலந்துரையாடல் அமர்வின் போது பகவத் இவ்வாறு கூறியுள்ளார்.

மேலும் அப்போது அவர் வயது குறித்தும் கேட்கப்பட்டது. பிரதமர் நரேந்திர மோடியைப் போலவே பகவத்துக்கும் கடந்த செப்டம்பரில் 75 வயது நிறைவடைந்தது. எதிர்க்கட்சிகள் இந்த விவகாரத்தை தற்போது கையில் எடுத்துள்ளன.

பரப்புரை குறித்து பகவத்

தொடர்ந்து பரப்புரை குறித்து பேசிய பகவத், “சரியான நேரத்தில், சரியான அளவில் பரப்புரை என்பது மழை போல் இருக்க வேண்டும்” என்றார். மேலும், அதிகப்படியான பரப்புரை அகங்காரம், அதீத புகழ் வழங்கும். இதில் இருந்து தன்னை காப்பாற்றிக் கொள்ள வேண்டும்” என்றார்.

இதையும் படிங்க: ‘ராகுல் பாய் டூ பப்பூ’.. மாநில அரசியலுக்கு நோ? நவஜோத் சிங் சித்து புதிய ரூட்!