Gold Rate Today: தங்கம் விலை இன்று புதிய உச்சத்தை எட்டியது; சவரன் ரூபாய் 120 வரை உயர்ந்து காணப்படுகிறது. இதற்கு மத்தியில் வெள்ளியின் விலை…
Gold Rate Today: தங்கம் விலை இன்று புதிய உச்சத்தை எட்டியது; சவரன் ரூபாய் 120 வரை உயர்ந்து காணப்படுகிறது. இதற்கு மத்தியில் வெள்ளியின் விலை…
Published on: January 30, 2025 at 10:21 am
இன்றைய தங்கம் விலை(30-01-2025): தங்கம் விலை கடந்த சில தினங்களாக தொடர்ந்து அதிகரித்து வரலாறு காணாத உச்சத்தை அடைந்துள்ளது. இதுவரை இல்லாத வகையில் தங்கம் விலை சவரன் ரூ. 61 ஆயிரத்தை நெருங்கி உள்ளது. இது நகை பிரியர்களிடையே அதிர்ச்சியை ஏற்படுத்தி உள்ளது.
தங்கம் விலை
தங்கம் விலை நேற்று கிராம் ரூ. 7,595ஆகவும் சவரன் ரூ. 60,760ஆகவும் விற்பனை செய்யப்பட்டது. இந்நிலையில், தங்கம் விலை இன்று ஒரே நாளில் கிராமுக்கு ரூ. 15 உயர்ந்து சவரனுக்கு ரூ. 120 உயர்ந்துள்ளது. அந்தவகையில், இன்று கிராம் தங்கம் ரூ. 7,610-க்கும் சவரன் ரூ. 60,880-க்கும் விற்பனை செய்யப்படுகிறது. தூய தங்கத்தை பொருத்தவரை கிராம் ரூ. 8,301- க்கும் சவரன் ரூ. 66,408-க்கும் விற்பனை செய்யப்படுகிறது.
வெள்ளி விலை
வெள்ளி விலையை பொருத்தவரை கடந்த 3 தினங்களாக கிராம் ரூ. 104 ஆகவும் கிலோ ரூ. 1,04,000 ஆகவும் விற்பனை செய்யப்பட்டது. இந்நிலையில், இன்று ஒரே நாளில் கிராமுக்கு ரூ.2 அதிகரித்து கிராம் ரூ. 106 ஆகவும் கிலோ ரூ. 1,06,000 ஆகவும் நிர்ணயிக்கப்பட்டுள்ளது.
பட்ஜெட்டுக்கு பின்னர்..
நாட்டின் வரவு செலவு திட்ட அறிக்கை பிப்ரவரி ஒன்றாம் தேதி, நாடாளுமன்றத்தில் தாக்கல் செய்யப்பட உள்ளது. மத்திய நிதி அமைச்சர் நிர்மலா சீதாராமன் இதனை தாக்கல் செய்கிறார். பிரதமர் நரேந்திர மோடியின் மூன்றாவது ஆட்சிக்காலத்தில் முதல் பட்ஜெட் என்பதால், சில மாற்றங்கள் கொண்டுவரப்படலாம் என எதிர்பார்க்கப்படுகிறது.
இதில் முக்கியமாக வருமான வரி தாக்கலில் மாற்றங்கள் இருக்கும் எனவும்; ரூ.10 லட்சம் வரையிலான ஆண்டு வருமானத்திற்கு தற்போது 20% வரி விதிக்கப்படும் நிலையில், அதனை 15 சதவீதமாக குறைக்க வேண்டும் என்ற கோரிக்கையும் எழுந்துள்ளது. இந்த நிலையில் தங்கம் தொடர்பான சில கோரிக்கைகளும் நிதி அமைச்சர் நிர்மலா சீதாராமனுக்கு வழங்கப்பட்டுள்ளன. இதனால் பட்ஜெட்டுக்கு பின்னர் தங்கம் விலையில் ஏதேனும் மாற்றங்கள் வருமா என்ற எதிர்பார்ப்பு ஏற்பட்டுள்ளது.
இதையும் படிங்க விவசாயிகளுக்கு குட் நியூஸ்: உங்க கணக்கில் ரூ.2 ஆயிரம் எப்போது வரும் தெரியுமா?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com