ரூ.1,699க்கு ஓராண்டு வேலிடிட்டி; ரிலையன்ஸ் ஜியோ புதிய ஆஃபர் தெரியுமா?

Jio Recharge | ரூ.1,700க்கு ரீசார்ஜ் செய்தால் 12 மாதம் வரை அன்லிமிடெட் பெனிபிட்கொடுக்கும் ரீசார்ஜ் திட்டம் குறித்து பார்க்கலாம்

ரிலையன்ஸ் ஜியோ

RS 1699 Jio Recharge plan offers unlimited benefits for 12 months

ByDravidan Times Bureau

Published on: November 1, 2024 at 10:36 am

Jio Recharge | இந்தியாவின் முன்னணி தொலைத்தொடர்பு சேவை வழங்குனர்களில் ஒன்றான ரிலையன்ஸ் ஜியோ பல தீபாவளி சலுகைகளை அறிமுகப்படுத்தியுள்ளது. அந்த வகையில், ரூ.1,699 ரீசார்ஜ் திட்டத்துடன் ஒரு ஆண்டு முழுவதும் வரம்பற்ற பலன்களை அனுபவிக்க முடியும் திட்டமும் அறிமுகப்படுத்தப்பட்டுள்ளது.

அதிவேக டேட்டா, வரம்பற்ற அழைப்புகள் மற்றும் ஒரு வருடம் முழுவதும் தினசரி எஸ்எம்எஸ் தேவைப்படுபவர்களுக்கு, இந்தச் சலுகை சரியான ஒன்றாக இருக்கும்.

திட்டத்தின் சிறப்புகள்

தினமும் 1.5ஜிபி டேட்டா மற்றும் வரம்பற்ற அழைப்புகள்
இந்த தீபாவளித் திட்டத்தின் விலை ரூ.1,699
பயனர்கள் ஒரு நாளைக்கு 1.5 ஜிபி அதிவேக டேட்டாவைப் பெறுவார்கள்
வரம்பு தீர்ந்தவுடன், டேட்டா வேகம் 64Kbps ஆக குறையும்
365 நாட்களுக்கு ஒரு நாளைக்கு 100 எஸ்எம்எஸ்கள் இந்த திட்டத்தில் அடங்கும்.
ஜியோ சினிமா, ஜியோ டி.வி உள்ளிட்ட ஆஃபர்களும் உள்ளன.

மற்ற சலுகைகள்

149 மற்றும் அதற்கு மேல் தேர்ந்தெடுக்கப்பட்ட ரீசார்ஜ்களில் 100 சதவீத கேஷ்பேக் வழங்கப்படுவது தீபாவளி சலுகையின் சிறப்பான அம்சங்களில் ஒன்றாகும். இந்த கேஷ்பேக் கூப்பன்களை ரிலையன்ஸ் டிஜிட்டல் ஸ்டோர்களில் வாங்குவதற்கு ரிடீம் செய்யலாம். கேஷ்பேக் கூப்பன்கள் MyJio பயன்பாட்டில் உள்ள ‘My Coupons’ பிரிவில் கிரெடிட் செய்யப்படும், இதனால் அவற்றை எளிதாக பயன்படுத்திக்கொள்ள முடியும்.

ஜியோ ரீசார்ஜ்களை ஆன்லைன் அல்லது ஆஃப்லைன் சேனல்கள் மூலம் செய்யலாம். 100 சதவீத கேஷ்பேக் சலுகை தொடர்பான விதிமுறைகள் மற்றும் நிபந்தனைகளை விரிவாக அறிய, அதிகாரப்பூர்வ இணையதளத்தை பார்வையிடவும் என்பது குறிப்பிடத்தக்கது.

இதையும் படிங்க : ஜியோ தீபாவளி ஆஃபர்; ₹.899 ரீசார்ஜ் பிளான்: செக் பண்ணுங்க!