தமிழ்நாடு நாளில் தமிழைக் காக்க உறுதியேற்போம்.. முதல்வர் விஜய் அழைப்பு!

Tamil Language Protection Pledge: தமிழ்நாடு நாளில் தமிழைக் காக்க உறுதியேற்போம் என முதலமைச்சர் ஜோசப் விஜய் அழைப்பு விடுத்துள்ளார்.

தமிழக முதலமைச்சர் ஜோசப் விஜய்

BySaranya JK

Published on: November 1, 2026 at 5:29 pm

சென்னை, நவ.1, 2026: தமிழ்நாடு நாள் கொண்டாடப்படுவதை முன்னிட்டு, முதலமைச்சர் ஜோசப் விஜய், தமிழக மக்களுக்கு வாழ்த்து தெரிவித்துள்ளார். மொழிவாரி மாநிலங்கள் பிரிக்கப்பட்டு தமிழ்நாடு உருவான இந்த வரலாற்றுச் சிறப்புமிக்க நாளில், மாநிலத்தின் தனித்துவத்தையும் வரலாற்றுப் பெருமைகளையும் போற்ற வேண்டும் என அவர் குறிப்பிட்டுள்ளார்.

தாய்மொழியாம் தமிழைக் காக்கவும், தமிழர்கள் வாழும் பகுதிகளைத் தமிழ்நாட்டுடன் இணைக்கவும் போராடிய தியாகிகளின் தியாகங்களை முதலமைச்சர் நினைவுகூர்ந்துள்ளார். அவர்களின் வரலாறு, தமிழர்களின் உரிமை உணர்வுக்கும் ஒற்றுமைக்கும் என்றென்றும் வழிகாட்டியாகத் திகழும் என்றும் தெரிவித்துள்ளார்.

மேலும், தமிழ்நாட்டின் வரலாற்றுச் சிறப்பையும், மொழியின் பெருமையையும் அடுத்த தலைமுறைக்குக் கொண்டு செல்ல வேண்டியதன் அவசியத்தையும் அவர் வலியுறுத்தியுள்ளார். தமிழர்களின் கலை, பண்பாடு மற்றும் பாரம்பரியத்தைப் பாதுகாப்பது அனைவரின் கடமை என்றும் குறிப்பிட்டுள்ளார்.

அன்னைத் தமிழுக்குப் பெருமை சேர்க்கவும், தமிழர்களின் பாரம்பரியத்தைப் பேணிக் காக்கவும், மாநிலத்தின் பெருமைகளைத் தொடர்ந்து நிலைநிறுத்தவும் அனைவரும் ஒன்றிணைந்து உறுதியேற்க வேண்டும் எனத் தனது தமிழ்நாடு நாள் வாழ்த்துச் செய்தியில் முதலமைச்சர் விஜய் கேட்டுக்கொண்டுள்ளார்.

இதையும் படிங்க : ராகுல் காந்தி தமிழர்தான்.. அவரது தந்தையார் ரத்தம்…. திருநாவுக்கரசர்