How to make healthy snacks | ஸ்கூல் முடிஞ்சு வீட்டுக்கு வரும் குழந்தைகளுக்கு இதை செய்து கொடுங்க.
How to make healthy snacks | ஸ்கூல் முடிஞ்சு வீட்டுக்கு வரும் குழந்தைகளுக்கு இதை செய்து கொடுங்க.
Published on: October 23, 2024 at 9:51 am
How to make healthy snacks | குழந்தைகள் விரும்பி உண்ணக்கூடிய ஹெல்தியான ஸ்நாக்ஸ் எப்படி செய்யலாம் என்று பார்க்கலாம்.
தேவையான பொருட்கள்
வெள்ளை அவல் – 1 கப்
வேர்க்கடலை – 1 கப்
தேங்காய் -1/2 கப்
ஏலக்காய் தூள் – 1/4 டீஸ்பூன்
முந்திரி பருப்பு – 10
பாதாம் – 10
வெல்லம் -1 கப்
தண்ணீர் -1/2 கப்
நெய் – 4 டேபிள்ஸ்பூன்
செய்முறை
ஒரு பாத்திரத்தில் அவலை சேர்த்து அவல் மொறுமொறுப்பாக வரும் வரை நன்கு வறுத்து எடுத்துக் கொள்ள வேண்டும். இதேபோல் வேர்க்கடலையையும் வறுத்து தோல் நீக்கி எடுத்துக்கொள்ள வேண்டும். பின்னர் வறுத்த அவலை மிக்ஸி ஜாரில் சேர்த்து நன்கு அரைத்து எடுத்துக்கொள்ள வேண்டும். வேர்க்கடலையை கொரகொரப்பாக அரைத்து எடுக்க வேண்டும்.
தேங்காயை மிக்ஸி ஜாரில் பூப்போன்று அரைத்து எடுக்க வேண்டும். தேங்காயை துருவி பயன்படுத்துவது கூடுதல் சுவை தரும். ஒரு கடாயில் நெய் சேர்த்து நெய் சூடானதும் முந்திரி, பாதாம் சேர்த்து வறுத்து எடுத்துக் கொள்ள வேண்டும். பின்னர் அந்த நெய்யுடன் துருவிய தேங்காய் பூவை சேர்த்து பொன்னிறமாக வரும் வரை வறுத்து எடுக்க வேண்டும்.
பாகு தயாரிக்க ஒரு பாத்திரத்தில் ஒரு கப் வெல்லத்துடன் அரை கப் தண்ணீர் மற்றும் ஏலக்காய் தூள் சேர்த்து பாகு தயாரித்து வடிகட்டியில் அரித்து எடுத்துக் கொள்ள வேண்டும். ஒரு பாத்திரத்தில் பாகை சேர்த்து சூடாக்கி அதனுடன் அரைத்த அவல், வேர்க்கடலை, வறுத்த தேங்காய் பூ மற்றும் வறுத்த முந்திரி பருப்பினை சேர்த்து நன்கு கிளறி விட வேண்டும்.
அடுப்புத்தீயை மீடியம் பிளேவில் வைத்து நெய் சேர்த்து தொடர்ந்து கிளறி விட வேண்டும். இந்த கலவை நன்கு திரண்டு பந்து போல் பிடிக்கும் பதத்திற்கு வந்தவுடன் அடுப்பில் இருந்து இறக்கவும். இனிப்பின் சூடு ஆரிய பின்னர் சிறிய பந்து வடிவிலோ, கட்லெட் வடிவிலோ தயார் செய்ய வேண்டும். இப்போது குழந்தைகள் விரும்பி உண்ணக்கூடிய ஹெல்தியான ஸ்நாக்ஸ் தயார்.
இதையும் படிங்க : தேங்காய் எண்ணெய் வாசம் தூக்கும்: கேரள ஸ்டைலில் நேந்திரம் சிப்ஸ் செய்வது எப்படி?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com