செஃப் தாமு ஸ்டைலில் சுடசுட கேரட் ரைஸ்: ஒருமுறை இப்படி செய்து பாருங்க!

How to make carrot rice | குழந்தைகள் விரும்பி உண்ணக்கூடிய ஹெல்தியான கேரட் ரைஸ் இப்படி பண்ணுங்க.

செஃப் தாமு ஸ்டைலில் கேரட் ரைஸ்

ByDravidan Times Bureau

Published on: October 21, 2024 at 1:38 pm

How to make carrot rice | குழந்தைகளின் மதிய உணவிற்கு என்ன கொடுக்கலாம் என்று யோசிப்பவர்களுக்கு எளிதில் செய்யக்கூடிய ஆரோக்கியமான கேரட் ரைஸ் எப்படி செய்யலாம் என்று பார்க்கலாம்.

தேவையான பொருள்கள்

சாதம் – 1 கப்
முந்திரி பருப்பு -10
பெரிய வெங்காயம்-1
கேரட் – 100 கிராம்
மஞ்சள் தூள் – 1/4 டீஸ்பூன்
பச்சை மிளகாய் -4
மிளகாய் தூள் -1/2 டீஸ்பூன்
கருவேப்பிலை – சிறிதளவு
கொத்தமல்லி – சிறிதளவு

தாளிதம் தயாரிக்க

கடுகு -1 டீஸ்பூன்
கடலை பருப்பு -2 டீஸ்பூன்
உளுந்து -2 டீஸ்பூன்
வத்தல் -1

செய்முறை

முதலில் கேரட்டை துருவி எடுத்துக் கொள்ள வேண்டும். பின்னா் ஒரு கடாயில் தேவையான அளவு எண்ணெய் சேர்த்து எண்ணெய் காய்ந்ததும் அதனுடன் கடுகு, உளுந்து, கடலைப்பருப்பு, முந்திரிப் பருப்பு, வத்தல் கருவேப்பிலை சேர்த்து வறுக்க வேண்டும்.

இவை பொன்னிறமாக மாறியதும் இதனுடன் பச்சை மிளகாய் மற்றும் நறுக்கிய வெங்காயம், கொத்தமல்லி இலை சேர்த்து வதக்க வேண்டும். வெங்காயம் வதங்கியதும் இதனுடன் துருவி வைத்த கேரட் சேர்த்து நன்கு வதக்க வேண்டும்.

பின்னர் இதனுடன் மிளகாய் தூள், மஞ்சள் தூள், தேவையான அளவு உப்பு சேர்த்து வதக்க வேண்டும். கேரட் நன்கு வெந்த பிறகு இதனுடன் வடித்த சாதத்தினை சேர்த்து நன்கு கிளறி விட வேண்டும். இறுதியாக ஒரு டீஸ்பூன் எண்ணெய் சாதத்தின் மீது சேர்த்து கிளறி விட வேண்டும். இப்போது ஆரோக்கியமான குழந்தைகள் விரும்பி உண்ணக்கூடிய கேரட் ரைஸ் தயார்.

இதையும் படிங்க : இதோ ஏழே நிமிடத்தில் லெக் பீஸ் ரெடி: செஃப் தாமு ஸ்டைலில் இப்படி பண்ணுங்க!