மூன்றடி நிலம் தானே..! சுக்கிராச்சாரி பேச்சை கேட்காத மகாபலி; பின்னர் நடந்தது என்ன தெரியுமா?

Mythology | வாமன அவதாரத்தில் வந்த விஷ்ணு மகாபலி இடம் என்ன கேட்டார் தெரியுமா?

வாமன அவதாரம்

ByDravidan Times Bureau

Published on: October 21, 2024 at 12:44 pm

Mythology | காஞ்சிபுரத்தில் உள்ள உலகளந்த பெருமாள் தனது இடது காலை விண்ணை நோக்கி தூக்கியும் வலது காலை பூமியில் வைத்தவாரும் காட்சியளிக்கிறார். இந்த காட்சிக்கு பின்னே ஒரு வரலாறு உள்ளது அது என்னவென்றால், மகாவிஷ்ணுவுக்கு 10 அவதாரங்கள் உள்ளது என்று புராணங்கள் கூறுகின்றன. அசுர மன்னன் மகாபலி சக்கரவர்த்தி என்பவன் மூன்று உலகங்களையும் ஆள்வதற்கு யாகம் ஒன்றே நடத்தினான்.

இதனால் தேவர்கள் மிகுந்த அச்சமடைந்தனர். எனவே தேவர்கள் திருமாலிடம் இதைப் பற்றி முறையிட்டனர். இதற்கு தீர்வு காண திருமால் நினைத்தார். மகாபலி நடத்திய யாகத்தில் கலந்து கொள்ள வருபவர்களுக்கு இல்லை என்று சொல்லாமல் தானங்களை வாரி வழங்கி வந்தான். மகாபலி நடத்திய யாகத்திற்கு வந்த வாமனன் குள்ள உருவத்தில் வந்து மூன்றடி நிலத்தினை தானமாக கேட்டார்.

வாமன அவதாரத்தில் விஷ்ணு தான் வந்திருக்கிறார் என்பதை ஞான திருஷ்டியில் அறிந்த சுக்கிராச்சாரியார் அவசரப்பட்டு எந்த வாக்கும் கொடுத்துவிடாதே என்று மகாபலியை எச்சரித்தார். ஆனால் மகாபலி சுக்கிராச்சாரியாரின் பேச்சை கேட்காமல் மூன்றடி தானம் தர சம்மதித்தான்.

உடனே திருமால் பிரம்மாண்டமான உருவம் எடுத்து முதல் அடியில் கீழ் உலகத்தையும் இரண்டாவது அடியில் மேல் உலகத்தையும் அளந்தார் மூன்றாவது அடி அளக்க இடமில்லை என்று பெருமாள் மகாபலியை பார்த்து கேட்க எனது தலை இருக்கிறது என்றார் மகாபலி. இதன் மூலம் மூன்று உலகத்தையும் மீட்டு திருமால் தேவர்களிடம் ஒப்படைத்தார்.

இதையும் படிங்க : ‘தங்கமாய் மாறிய உளுந்து’: திருச்செந்தூர் சிவன் கோவில் வரலாறு தெரியுமா?