Ajith Kumar Badhaai Ho Remake: ‘பதாய் ஹோ’ தமிழ் ரீமேக்கில் தந்தை கதாபாத்திரத்தில் நடிக்க முன்வந்தார் அஜித் குமார் என இயக்குநர் ஆதிக் ரவிச்சந்திரன் தெரிவித்துள்ளார்.
Ajith Kumar Badhaai Ho Remake: ‘பதாய் ஹோ’ தமிழ் ரீமேக்கில் தந்தை கதாபாத்திரத்தில் நடிக்க முன்வந்தார் அஜித் குமார் என இயக்குநர் ஆதிக் ரவிச்சந்திரன் தெரிவித்துள்ளார்.
Published on: November 4, 2026 at 3:08 pm
சென்னை, நவ.4, 2026: நடிகர் அஜித்குமார், இயக்குநர் ஆதிக் ரவிச்சந்திரனுக்கு திரைப்பட வாய்ப்பு வழங்க முன்வந்ததுடன், இந்தி திரைப்படமான ‘பதாய் ஹோ’வின் தமிழ் ரீமேக்கில் தந்தை கதாபாத்திரத்தில் நடிக்கவும் சம்மதித்ததாக ஆதிக் தெரிவித்துள்ளார். இந்தத் தகவல் தற்போது ரசிகர்கள் மத்தியில் கவனம் பெற்றுள்ளது.
‘நேர்கொண்ட பார்வை’ படப்பிடிப்பின்போது அஜித்துடன் அறிமுகமான ஆதிக் ரவிச்சந்திரனை, சில நாட்களிலேயே தயாரிப்பாளர் போனி கபூரிடம் அஜித் அறிமுகப்படுத்தியுள்ளார். ஆதிக் ஒரு சிறந்த இயக்குநராக வருவார் என்றும், அவரை வைத்து திரைப்படம் தயாரிக்க வேண்டும் என்றும் போனி கபூரிடம் அஜித் பரிந்துரைத்ததாக ஆதிக் நினைவுகூர்ந்துள்ளார்.
தனது இரண்டாவது திரைப்படம் தோல்வியடைந்த பிறகு, எந்த நடிகரும் தனது கதையைக் கேட்கக்கூட முன்வராத இக்கட்டான சூழலில் அஜித் தனக்கு ஆதரவளித்ததாக ஆதிக் தெரிவித்துள்ளார். மேலும், ‘பதாய் ஹோ’ தமிழ் ரீமேக்கில் அசல் இந்திப் படத்தில் கஜ்ராஜ் ராவ் நடித்த தந்தை கதாபாத்திரத்தில் நடிக்க அஜித் சம்மதித்தது தனக்கு வாழ்நாள் வாய்ப்பு போன்றது என்றும் அவர் கூறியுள்ளார்.
ஆனால், அஜித் மற்றும் ஆதிக் ரவிச்சந்திரன் இணைவதாகத் திட்டமிடப்பட்ட இந்தப் படம் பின்னர் கைவிடப்பட்டது. இதையடுத்து, அதே இந்திப் படத்தின் தமிழ் ரீமேக் ஆர்.ஜே. பாலாஜி இயக்கத்தில் ‘வீட்ல விசேஷம்’ என்ற பெயரில் உருவாகி வெளியானது. இதில் ஆர்.ஜே. பாலாஜி, சத்யராஜ், ஊர்வசி உள்ளிட்டோர் நடித்திருந்தனர்.
இதையும் படிங்க : நடிகை டயா மிர்சா-வுக்கு பா.ஜ.க பிரமுகர் எதிர்ப்பு.. குட்டு வைத்த நீதிமன்றம்
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
