அக்ஷய திருதியைக்கு நிகரான தினம்.. 2026ஆம் ஆண்டின் தன திரயோதசி தெரியுமா?

Dhanteras Festival 2026: தீபாவளி பண்டிகைக்கு முன்னதாகக் கொண்டாடப்படும் தன திரயோதசி எனப்படும் தன்தேரஸ் பண்டிகை, இந்த ஆண்டு நவம்பர் 6ஆம் தேதி வெள்ளிக்கிழமை கடைப்பிடிக்கப்படுகிறது.

தன திரயோதசி 2026

ByPushpa Gopinath

Published on: November 4, 2026 at 12:01 pm

சென்னை, நவ.4, 2026: தீபாவளி பண்டிகைக்கு முன்னதாகக் கொண்டாடப்படும் தன திரயோதசி எனப்படும் தன்தேரஸ் பண்டிகை, இந்த ஆண்டு நவம்பர் 6ஆம் தேதி வெள்ளிக்கிழமை கடைப்பிடிக்கப்படுகிறது. இந்த நாளில் தங்கம், வெள்ளி நகைகள், நாணயங்கள் மற்றும் புதிய பாத்திரங்கள் வாங்குவது செல்வ வளத்தையும் அதிர்ஷ்டத்தையும் தரும் என்பது பாரம்பரிய நம்பிக்கையாக உள்ளது.

தன்தேரஸ் நாளில் செல்வத்தின் அதிபதியான மகாலட்சுமி, குபேரர் மற்றும் ஆரோக்கியத்தின் கடவுளாகக் கருதப்படும் தன்வந்திரி ஆகியோருக்கு சிறப்பு வழிபாடுகள் நடத்தப்படுகின்றன. இந்த நாளுடன் ஐந்து நாட்கள் நடைபெறும் தீபாவளிக் கொண்டாட்டங்களும் தொடங்குகின்றன.

இந்த ஆண்டு நவம்பர் 6ஆம் தேதி காலை 10.30 மணிக்குத் திரயோதசி திதி தொடங்கி, நவம்பர் 7ஆம் தேதி காலை 10.47 மணி வரை நீடிக்கிறது. தங்கம், வெள்ளி உள்ளிட்ட பொருட்களை வாங்குவதற்கு உள்ளூர் பஞ்சாங்கத்தில் குறிப்பிடப்பட்டுள்ள நல்ல நேரத்தைப் பின்பற்றலாம். சென்னையில் தன்தேரஸ் வழிபாட்டுக்கான உகந்த நேரம் மாலை 6.14 மணி முதல் இரவு 8.10 மணி வரை எனக் குறிப்பிடப்பட்டுள்ளது.

தன்தேரஸ் நாளில் விலையுயர்ந்த நகைகள் மட்டுமின்றி, தங்கம் அல்லது வெள்ளி நாணயங்கள், புதிய பாத்திரங்கள் உள்ளிட்டவற்றையும் வாங்கலாம். மாலை நேரத்தில் வீட்டில் விளக்கேற்றி மகாலட்சுமி மற்றும் குபேரரை வழிபடுவது சிறப்பாகக் கருதப்படுகிறது. எனினும், இது பாரம்பரிய நம்பிக்கையின் அடிப்படையிலான கொண்டாட்டம் என்பதால், வாங்கும் பொருட்களைத் தங்களது வசதிக்கேற்ப தேர்வு செய்யலாம்.

இதையும் படிங்க : கேதார்நாத் ஆலயத்தில் பனிப்பொழிவு.. பக்தர்களுக்கு எச்சரிக்கை!