K.N. Nehru Brothers Bribery Case: வேலைக்கு லஞ்சம் பெற்றதாகக் கூறப்படும் வழக்கில், கே.என். நேருவின் சகோதரர்களின் மனுக்கள் தள்ளுபடி செய்யப்பட்டுள்ளது.
K.N. Nehru Brothers Bribery Case: வேலைக்கு லஞ்சம் பெற்றதாகக் கூறப்படும் வழக்கில், கே.என். நேருவின் சகோதரர்களின் மனுக்கள் தள்ளுபடி செய்யப்பட்டுள்ளது.
Published on: October 28, 2026 at 11:26 am
சென்னை, அக்.28, 2026: தமிழக முன்னாள் அமைச்சர் கே.என். நேருவின் சகோதரர்களான கே.என். மணிவண்ணன், கே.என். ரவிச்சந்திரன் உள்ளிட்டோர் தாக்கல் செய்த மறுஆய்வு மனுக்களை சென்னை உயர் நீதிமன்றம் தள்ளுபடி செய்துள்ளது. வேலைக்கு லஞ்சம் பெற்றதாகக் கூறப்படும் வழக்கில், முதல் தகவல் அறிக்கை (FIR) பதிவு செய்ய உத்தரவிட்ட முந்தைய தீர்ப்பை மறுஆய்வு செய்யக் கோரி இந்த மனுக்கள் தாக்கல் செய்யப்பட்டிருந்தன.
தலைமை நீதிபதி எஸ்.ஏ. தர்மாதிகாரி மற்றும் நீதிபதி ஜி. அருள் முருகன் ஆகியோர் அடங்கிய அமர்வு இந்த மனுக்களை விசாரித்தது. கே.என். நேரு தாக்கல் செய்த மறுஆய்வு மனுவை அக்டோபர் 26-ஆம் தேதி நீதிமன்றம் தள்ளுபடி செய்ததைத் தொடர்ந்து, அவரது சகோதரர்கள் மற்றும் வழக்கில் தொடர்புடைய மற்றவர்களின் மனுக்களும் தள்ளுபடி செய்யப்பட்டன.
அமலாக்கத் துறை அளித்த தகவலின்படி, நகராட்சி நிர்வாகம் மற்றும் குடிநீர் வழங்கல் துறையில் 2,538 பணியிடங்களுக்கு ஆட்களை நியமிக்க ரூ.634 கோடி வரை லஞ்சம் பெறப்பட்டதாகக் குற்றச்சாட்டு எழுந்தது. உதவிப் பொறியாளர், இளநிலைப் பொறியாளர், சுகாதார ஆய்வாளர் உள்ளிட்ட பணிகளுக்கு தலா ரூ.25 லட்சம் முதல் ரூ.35 லட்சம் வரை லஞ்சம் பெறப்பட்டதாகக் கூறப்படுகிறது.
இந்த விவகாரத்தில் வழக்குப் பதிவு செய்யக் கோரி அதிமுக நாடாளுமன்ற உறுப்பினர் ஐ.எஸ். இன்பதுரை தொடர்ந்த வழக்கில், கடந்த பிப்ரவரி 20-ஆம் தேதி உயர் நீதிமன்றம் முதல் தகவல் அறிக்கை பதிவு செய்ய உத்தரவிட்டது. எனினும், வழக்குப் பதிவு செய்ய உத்தரவிட்டிருப்பது மட்டுமே குற்றம் நிரூபிக்கப்பட்டதாக அர்த்தமல்ல என்றும், குற்றச்சாட்டுகளின் உண்மைத்தன்மையை விசாரணை மற்றும் நீதிமன்ற நடவடிக்கைகளே தீர்மானிக்கும் என்றும் உயர் நீதிமன்றம் தெளிவுபடுத்தியுள்ளது.
இதையும் படிங்க : அன்பில் மகேஷ் கைது.. திமுக ஆட்சியை விமர்சித்த தமிழிசை சௌந்தரராஜன்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
