4 மாத குழந்தையை அமைதிப்படுத்தும் ஹனுமன் சாலிசா.. சீன பெண் நெகிழ்ச்சி!

Sarah Jane Ho: சீன பெண் தொழிலதிபரான சாரா ஜேன் ஹோ, தனது 4 மாத குழந்தையை அமைதிப்படுத்த ஹனுமான் சாலிசா உதவுவதாக தெரிவித்துள்ளார்.

குழந்தையுடன் சீன பெண் தொழில்முனைவோர்

ByPushpa Gopinath

Published on: October 1, 2026 at 2:48 pm

பீஜிங், அக்.1, 2026: சீன பெண் தொழிலதிபரான சாரா ஜேன் ஹோ, தனது 4 மாத குழந்தையை அமைதிப்படுத்த ஹனுமான் சாலிசா உதவுவதாக சமூக வலைதளத்தில் பகிர்ந்துள்ளார். தாயான பிறகு தனது அன்றாட வாழ்க்கையில் ஏற்பட்டுள்ள மாற்றங்களைப் பற்றி இன்ஸ்டாகிராமில் பகிர்ந்த அவர், குழந்தையுடன் இருக்கும் தனது காலை நேர வழக்கத்தையும் ரசிகர்களுக்கு தெரியப்படுத்தியுள்ளார். குறிப்பாக, குழந்தை அழுது கொண்டிருக்கும்போது அல்லது மிகவும் சிரமப்பட்டுக் கொண்டிருக்கும்போது ஹனுமான் சாலிசாவை ஒலிக்கச் செய்வது உடனடியாக அமைதியை ஏற்படுத்துவதாக அவர் தெரிவித்துள்ளார்.

40 வயதில் தாயான சாரா ஜேன் ஹோ, தனது 4 மாத குழந்தையுடன் எடுத்த புகைப்படங்கள் மற்றும் தாய்மையைப் பற்றிய தனது எண்ணங்களை உள்ளடக்கிய பதிவை வெளியிட்டார். “40 வயதில் தாயான அனுபவம் குறித்து சில எண்ணங்கள்” என்ற கருத்துடன் அந்தப் பதிவைப் பகிர்ந்த அவர், குழந்தை பிறந்த பிறகு தனது அன்றாட அனுபவங்களில் ஏற்பட்டுள்ள மாற்றங்களைப் பற்றியும் குறிப்பிட்டுள்ளார். அந்தப் பதிவில், தாய்மையின் ஆரம்பகட்டத்தில் தனக்கு கிடைத்த சில எதிர்பாராத உதவிகள் மற்றும் குழந்தையுடன் உருவாகியுள்ள புதிய பழக்கங்கள் குறித்தும் அவர் தெரிவித்துள்ளார்.

ஹனுமான் சாலிசாவை தான் எவ்வாறு அறிமுகப்படுத்திக் கொண்டார் என்பதையும் சாரா விளக்கியுள்ளார். பர்னிங் மேன் நிகழ்வில் சந்தித்த இந்திய நண்பர்கள் மூலம் இந்து பக்திப் பாடலான ஹனுமான் சாலிசாவை முதன்முதலில் கேட்டதாக அவர் கூறியுள்ளார். அதன்பிறகு, அந்தப் பாடல் தனது காலை நேர வழக்கத்தின் ஒரு பகுதியாக மாறிவிட்டதாகவும், ஒவ்வொரு காலையும் அதை தொடர்ந்து ஒலிக்கச் செய்வதாகவும் அவர் தெரிவித்துள்ளார். இதன் மூலம் இந்திய கலாச்சாரத்துடன் தனக்கு ஏற்பட்ட ஒரு தனிப்பட்ட தொடர்பையும் அவர் தனது பதிவின் மூலம் வெளிப்படுத்தியுள்ளார்.

குழந்தை மிகவும் அழுது கொண்டிருக்கும்போது அல்லது அமைதியின்றி இருக்கும்போது ஹனுமான் சாலிசாவை ஒலிக்கச் செய்வதாகவும், அது தனது குழந்தையை மிகக் குறுகிய நேரத்தில் அமைதிப்படுத்துவதாகவும் சாரா கூறியுள்ளார். இது குறித்து அவர், “குழந்தை அழும்போது அல்லது மிகவும் சிரமப்படும்போது, ஹனுமான் சாலிசாவை ஒலிக்கச் செய்தால் 5 விநாடிகளுக்குள் அமைதியாகி, 2 நிமிடங்களில் தூங்கிவிடுகிறான்” என்று அவர் தனது பதிவில் குறிப்பிட்டுள்ளார்.

இதையும் படிங்க : 52 வயதில் இளமையான தோற்றம்.. முதலமைச்சர் விஜயின் உணவு இரகசியம் என்ன?