சேவை, ஏற்றுமதியால் வேகம்.. இந்திய பொருளாதாரம் குறித்து IMF சொன்னது என்ன?

7.8% GROWTH : நடப்பு நிதியாண்டின் முதல் காலாண்டில் இந்திய பொருளாதாரம் 7.8% வளர்ச்சி அடைந்துள்ள நிலையில், உலகளாவிய வளர்ச்சியின் முக்கிய இயக்கியாக இந்தியா இருப்பதாக IMF தெரிவித்துள்ளது. சேவைகள் மற்றும் ஏற்றுமதியின் வலுவான செயல்பாடே இந்த வளர்ச்சிக்கு முக்கிய காரணம் என IMF கூறியுள்ளது.

சர்வதேச நாணய நிதியம் (IMF)

BySaranya JK

Published on: September 12, 2026 at 1:02 pm

புதுடெல்லி, செப். 12, 2026: நடப்பு நிதியாண்டின் முதல் காலாண்டில் இந்திய பொருளாதாரம் 7.8 சதவீதம் வளர்ச்சி அடைந்துள்ள நிலையில், இந்தியா உலகளாவிய பொருளாதார வளர்ச்சியின் முக்கிய இயக்கியாக இருப்பதாக சர்வதேச நாணய நிதியம் (IMF) தெரிவித்துள்ளது. எதிர்பார்த்ததைவிட வலுவான இந்த வளர்ச்சிக்கு சேவைத்துறை மற்றும் ஏற்றுமதியின் சிறப்பான செயல்பாடுகள் முக்கிய காரணமாக இருந்ததாக IMF-ன் தகவல் தொடர்புத்துறை இயக்குநர் ஜூலி கோசாக் தெரிவித்துள்ளார்.

வேகம் பிடித்த இந்திய பொருளாதாரம்!

இந்தியாவின் சமீபத்திய பொருளாதார வளர்ச்சி புள்ளிவிவரங்கள், மேக்ரோ பொருளாதார தரவுகள் மற்றும் அதிகரித்து வரும் கச்சா எண்ணெய் விலையின் தாக்கம் தொடர்பான கேள்விகளுக்கு ஜூலி கோசாக் பதிலளித்தார். எரிசக்தி விலை அதிர்வை இந்தியா எதிர்கொண்டபோதிலும், சேவைகள் மற்றும் ஏற்றுமதியின் வலுவான செயல்பாடு பொருளாதார வளர்ச்சிக்கு ஆதரவாக இருந்ததாக அவர் குறிப்பிட்டார்.

GDP கணக்கீட்டில் புதிய மாற்றங்கள்

இந்தியாவின் சமீபத்திய மொத்த உள்நாட்டு உற்பத்தி (GDP) தரவுகளில் புதிய தொழில்துறை உற்பத்தி குறியீடும், புதிய உற்பத்தியாளர் விலை குறியீட்டு தொடரும் இணைக்கப்பட்டுள்ளதாக ஜூலி கோசாக் தெரிவித்தார். இந்த மாற்றங்கள் இந்தியாவின் GDP மதிப்பீடுகளை மேலும் மேம்படுத்தும் என IMF கருதுகிறது.

கச்சா எண்ணெய் விலை உயர்வு.. இந்தியாவுக்கு என்ன தாக்கம்?

கச்சா எண்ணெய் விலை உயர்வால் இந்திய பொருளாதாரத்தில் ஏற்படும் தாக்கத்தையும் IMF தொடர்ந்து கண்காணித்து வருகிறது. இந்தியா உள்ளிட்ட எண்ணெய் இறக்குமதி செய்யும் அனைத்து நாடுகளுக்கும் அதிகரிக்கும் எரிசக்தி செலவு அழுத்தத்தை ஏற்படுத்தும் என்று ஜூலி கோசாக் கூறினார். இருப்பினும், வலுவான உள்நாட்டு பொருளாதார செயல்பாடுகள் மற்றும் ஏற்றுமதியின் ஆதரவுடன் இந்தியாவின் தற்போதைய வளர்ச்சி வலுவாக இருப்பதாக IMF சுட்டிக்காட்டியுள்ளது.

இதையும் படிங்க: டீசல் ₹23, பெட்ரோல் ₹5 இழப்பு.. இந்தியாவில் பெட்ரோல் டீசல் விலை அதிகரிக்க வாய்ப்பு?