U20 உலக சாம்பியன்ஷிப்: இந்தியாவின் முதல் பதக்கம்.. வரலாறு படைத்தார் ஆஷிஷ் யாதவ்!

India’s Silver:அமெரிக்காவின் யூஜினில் நடைபெறும் உலக U20 தடகள சாம்பியன்ஷிப்பில் இந்தியா தனது முதல் பதக்கத்தை வென்றுள்ளது. ஆடவர் ஈட்டி எறிதலில் 19 வயதான ஆஷிஷ் யாதவ், 74.09 மீட்டர் தூரம் எறிந்து வெள்ளிப் பதக்கம் கைப்பற்றினார்.

ஆஷிஷ் யாதவ்

ByPunitha Rajesh

Published on: August 8, 2026 at 3:23 pm

யூஜின், ஆக. 8, 2026: அமெரிக்காவின் யூஜினில் நடைபெறும் உலக U20 தடகள சாம்பியன்ஷிப் போட்டியின் 3-வது நாளில் இந்தியா தனது பதக்கக் கணக்கைத் தொடங்கியது. ஆடவர் ஈட்டி எறிதலில் இந்திய வீரர் ஆஷிஷ் யாதவ் வெள்ளிப் பதக்கம் வென்று அசத்தினார். 19 வயதான ஆஷிஷ், தனது 3-வது முயற்சியில் 74.09 மீட்டர் தூரம் எறிந்து 2-வது இடத்தைப் பிடித்தார்.

ஆஷிஷ் யாதவ் புதிய சாதனை

உலக U20 சாம்பியன்ஷிப் ஈட்டி எறிதலில் வெள்ளிப் பதக்கம் வென்ற 2-வது இந்திய வீரர் என்ற பெருமையை ஆஷிஷ் யாதவ் பெற்றுள்ளார். இதற்கு முன்பு நீரஜ் சோப்ரா மட்டுமே இந்தப் போட்டியில் இந்தியாவுக்காக வெள்ளிப் பதக்கம் வென்றிருந்தார். 2016-ம் ஆண்டு போலந்தில் நடைபெற்ற U20 சாம்பியன்ஷிப்பில் நீரஜ் சோப்ரா தங்கப் பதக்கம் வென்றதுடன், 86.48 மீட்டர் தூரம் எறிந்து இன்றளவும் நீடிக்கும் உலக U20 சாதனையையும் படைத்தார்.

இந்தப் போட்டியில் தென்னாப்பிரிக்காவின் ஜான்-ஹென்ட்ரிக் ஹெய்மன்ஸ் தங்கப் பதக்கத்தை கைப்பற்றினார். தனது 6-வது மற்றும் கடைசி முயற்சியில் 80.50 மீட்டர் தூரம் எறிந்த அவர் முதலிடத்தைப் பிடித்தார். இந்தத் தூரம் நடப்பு சீசனுக்கான உலக U20 சிறந்த செயல்பாடாகவும் அமைந்தது.

ஆஷிஷ் யாதவின் சிறப்பான செயல்பாட்டால் உலக U20 தடகள சாம்பியன்ஷிப்பில் இந்தியா தனது முதல் பதக்கத்தைப் பெற்றுள்ளது. நீரஜ் சோப்ராவுக்குப் பிறகு U20 உலக சாம்பியன்ஷிப் ஈட்டி எறிதலில் பதக்கம் வென்ற இந்திய வீரராக ஆஷிஷ் யாதவ் கவனம் பெற்றுள்ளார்.

இதையும் படிங்க : இங்கிலாந்து லயன்ஸ் அணிக்கு குட்பை சொன்ன ஆண்ட்ரூ பிளின்டாஃப்! அடுத்த இலக்கு எது தெரியுமா?