அமராவதி சாம்பியன்ஷிப் போட்டிகள்.. ஜூலை 15ஆம் தேதி தொடக்கம்!

Amaravati Championship 2026 : அமராவதி சாம்பியன்ஷிப் 2026 ஜூலை 15-ஆம் தேதி தொடங்குகின்றன.

அமராவதி சாம்பியன்ஷிப் போட்டிகள்

ByPunitha Rajesh

Published on: July 14, 2026 at 4:45 pm

அமராவதி, ஜூலை 15, 2026: அமராவதி சாம்பியன்ஷிப் போட்டிகள் ஜூலை 15ஆம் தேதி புதன்கிழமை தொடங்கின்றன.

ஆந்திரப் பிரதேசம் முழுவதும் நடைபெறும் ‘அமராவதி சாம்பியன்ஷிப்’ போட்டியின் இரண்டாவது பதிப்பு ஜூலை 15 ஆம் தேதி தொடங்கவுள்ளது. விஜயவாடாவில் நடைபெற்ற நிகழ்ச்சியில், ஆந்திரப் பிரதேச விளையாட்டு ஆணையத்தின் (SAAP) தலைவர் ஏ. ரவி நாயுடு இப்போட்டிக்கான அதிகாரப்பூர்வ சுவரொட்டியை வெளியிட்டார்.

நிகழ்ச்சியில் பேசிய ரவி நாயுடு, மாநிலத்தின் அனைத்துப் பகுதிகளிலிருந்தும் விளையாட்டுத் திறமையாளர்களைக் கண்டறிந்து அவர்களை ஊக்குவிப்பதே இப்போட்டியின் நோக்கம் என்று தெரிவித்தார். 17 வயதுக்குட்பட்டோர் மற்றும் 23 வயதுக்குட்பட்டோர் பிரிவுகளில் மாநிலத்தின் அனைத்து 175 சட்டமன்றத் தொகுதிகளிலும் வீரர்கள் தேர்வு நடைபெறும் என்றும், இது இளம் விளையாட்டு வீரர்கள் தங்கள் திறமையை வெளிப்படுத்த சிறந்த தளமாக அமையும் என்றும் அவர் குறிப்பிட்டார்.

ஆகஸ்ட் 1 முதல் 15 வரை மாவட்ட அளவிலான போட்டிகள் நடைபெறும். அதைத் தொடர்ந்து ஆகஸ்ட் 20 முதல் 25 வரை மாநில அளவிலான போட்டிகள் நடைபெறும். வெற்றி பெறுபவர்களுக்கு ஆகஸ்ட் 29 ஆம் தேதி தேசிய விளையாட்டு தினத்தில் பரிசுகள் வழங்கப்படும். இவ்வாறு திட்டமிடப்பட்டுள்ள போட்டிகள், மாநிலம் முழுவதும் விளையாட்டு ஆர்வத்தை அதிகரிக்கும் வகையில் அமைந்துள்ளன.

மொத்தம் 94 லட்சம் ரூபாய் பரிசுத்தொகையுடன் 12 வகையான விளையாட்டுப் போட்டிகள் நடத்தப்படவுள்ளன. கிராமப்புற மற்றும் நகர்ப்புறங்களைச் சேர்ந்த மூன்று லட்சத்திற்கும் அதிகமான மாணவர்களைப் பங்கேற்கச் செய்வதே இப்போட்டியின் இலக்கு என ரவி நாயுடு தெரிவித்தார். விளையாட்டுத் துறையை ஊக்குவிப்பதிலும், ஆந்திரப் பிரதேசத்தை விளையாட்டுத் துறையில் முன்னணி மாநிலமாக மாற்றுவதிலும் அரசின் அர்ப்பணிப்பை இப்போட்டி பிரதிபலிக்கிறது.

இதையும் படிங்க : லார்ட்ஸ் மைதானத்தில் வரலாறு படைத்த இந்திய மகளிர் அணி… இங்கிலாந்தை 270 ரன்கள் வித்தியாசத்தில் வீழ்த்தி புதிய சாதனை!