தமிழக விவசாயிகள் பாதுகாப்புக்கு முன்னுரிமை.. மாம்பழங்கள் கொள்முதலுக்கு மத்திய அரசு ஒப்புதல்!

Centre Backs Farmers : தமிழகத்தில் விவசாயிகளைப் பாதுகாக்கும் வகையில் தோதாபுரி மாம்பழங்களை கொள்முதல் செய்ய மத்திய அரசு ஒப்புதல் அளித்துள்ளது.

மாம்பழங்கள்

BySaranya JK

Published on: July 9, 2026 at 12:38 pm

Updated on: July 9, 2026 at 12:39 pm

புதுடெல்லி, ஜூலை 9, 2026: தமிழ்நாட்டில் உள்ள விவசாயிகளின் நலன்களைப் பாதுகாக்கும் வகையில், மத்திய அரசு கொப்பரை மற்றும் தோதாபுரி மாம்பழங்களை கொள்முதல் செய்ய ஒப்புதல் அளித்துள்ளது. மாநில அரசு சமர்ப்பித்த முன்மொழிவின் அடிப்படையில் வழங்கப்பட்ட இந்த ஒப்புதல், உற்பத்தியாளர்களுக்கு சிறந்த விலையை உறுதி செய்வதோடு, சந்தை ஏற்ற இறக்கங்களால் ஏற்படும் கட்டாய விற்பனையிலிருந்தும் அவர்களைப் பாதுகாக்கும் என்று மத்திய வேளாண்மை மற்றும் விவசாயிகள் நலத்துறை அமைச்சகம் தெரிவித்துள்ளது.

மேலும், சந்தை தலையீட்டுத் திட்டத்தின் கீழ் மேற்கொள்ளப்படும் மாம்பழக் கொள்முதலில், குவிண்டாலுக்கு ஆயிரம் ரூபாய்க்கும் அதிகமான விலை நிர்ணயிக்கப்பட்டுள்ளது. இதன் மூலம் தோதாபுரி மாம்பழ விவசாயிகளுக்கு நியாயமான மற்றும் லாபகரமான விலை கிடைப்பதை உறுதி செய்யும். சந்தை விலை திடீரென சரிவதால் ஏற்படும் நஷ்டத்தைத் தவிர்க்கவும், விவசாயிகளின் வருமானத்தைப் பாதுகாக்கவும் இந்த நடவடிக்கை உதவும்.

கொப்பரை மற்றும் தோதாபுரி மாம்பழங்களை பெருமளவில் எம்.எஸ்.பி மற்றும் எம்.ஐ.எஸ் அடிப்படையில் கொள்முதல் செய்வதற்கான மத்திய அரசின் ஒப்புதல், தமிழ்நாட்டு விவசாயிகளுக்கு பெரும் நிம்மதியை அளிக்கிறது. இத்தகைய நடவடிக்கைகள் விவசாயிகளின் வருமானத்தை அதிகரிப்பதோடு, கிராமப்புறப் பொருளாதாரத்தை வலுப்படுத்தவும், வேளாண் துறையின் மீதான நம்பிக்கையை உறுதிப்படுத்தவும் முக்கிய பங்காற்றுகின்றன.

இதையும் படிங்க : ஆர்.டி.சி.எல் 10 சதவீத பங்குகளை வாங்கிய எஸ்.பி.ஐ.. அதிரடி மூவ்!