இன்று சர்வதேச யோகா தினம்.. கருப்பொருள் – சிறப்பு என்ன?

International yoga day 2026 : சர்வதேச யோகா தினத்தின் 12ஆம் ஆண்டு கொண்டாட்டங்கள் உலகம் முழுவதும் நடைபெற்று வருகின்றன.

சர்வதேச யோகா தின கொண்டாட்டம்

BySaranya JK

Published on: June 21, 2026 at 11:45 am

புதுடெல்லி, ஜூன் 21, 2026: இன்று ஜூன் 21, 2026 – சர்வதேச யோகா தினத்தின் 12ஆம் ஆண்டு கொண்டாட்டங்கள் உலகம் முழுவதும் நடைபெற்று வருகின்றன. இதனை முன்னிட்டு இந்தியாவில் மத்திய மற்றும் மாநில அரசுகள் பல்வேறு நிகழ்ச்சிகளை ஏற்பாடு செய்துள்ளன. பள்ளிகள், கல்லூரிகள், அரசு அலுவலகங்கள், பொதுத்தளங்களில் யோகா நிகழ்ச்சிகள் நடத்தப்பட்டு, மக்கள் ஆர்வத்துடன் பங்கேற்று வருகின்றனர்.

இந்த ஆண்டுக்கான யோகா தினத்தின் கருப்பொருள் “ஆரோக்கியமான முதுமைக்கான யோகா” என நிர்ணயிக்கப்பட்டுள்ளது. வயது அதிகரிக்கும் போது உடல் மற்றும் மன ஆரோக்கியத்தை தக்கவைத்துக்கொள்ள யோகா முக்கிய பங்கு வகிக்கிறது என்பதை வலியுறுத்தும் வகையில் இந்த கருப்பொருள் தேர்வு செய்யப்பட்டுள்ளது.

அன்றாடம் யோகா செய்வதால் உடல் நெகிழ்ச்சி அதிகரித்து, இரத்த ஓட்டம் சீராகி, மன அழுத்தம் குறையும். மேலும், நோய் எதிர்ப்பு சக்தி மேம்பட்டு, முதுமை தாமதமாகும். இதனால் யோகா, உடல் மற்றும் மன ஆரோக்கியத்தை பாதுகாக்கும் இயற்கையான வழிமுறையாக கருதப்படுகிறது.

சர்வதேச யோகா தினம் 2015ஆம் ஆண்டு முதல் ஒவ்வொரு ஜூன் 21ஆம் தேதியும் கொண்டாடப்படுகிறது. யோகாவின் நன்மைகள் குறித்த விழிப்புணர்வை உலகம் முழுவதும் பரப்புவதற்காக இந்த நாள் சிறப்பாகக் கொண்டாடப்படுகிறது. இந்தியா உட்பட பல்வேறு நாடுகளில் இன்று யோகா நிகழ்ச்சிகள் நடைபெற்று, மக்கள் ஆரோக்கியத்தின் முக்கியத்துவத்தை உணர்ந்து வருகின்றனர்.

இதையும் படிங்க நொய்டா ஏர்போட்டில் வந்திறங்கிய முதல் விமானம்.. பயணிகள் உற்சாகம்!