Donald Trump : அமெரிக்க அதிபர் டொனால்ட் ட்ரம்ப்- இஸ்ரேல் பிரதமர் கூடன் திடீர் வாக்குவாதத்தில் ஈடுபட்டுள்ளார்.
Published on: June 3, 2026 at 8:24 pm
நியூயார்க், ஜூன் 3, 2026: அமெரிக்க அதிபர் டொனால்ட் டிரம்ப், இஸ்ரேல் பிரதமர் பெஞ்சமின் நெதன்யாகுவுடன் நடந்த கடுமையான தொலைபேசி உரையாடலுக்குப் பிறகு, ஈரான் புதிய உச்சத் தலைவர் மொஜ்தபா காமனெய்யை சந்திக்க விருப்பம் இருப்பதாக தெரிவித்துள்ளார்.
இந்தக் கருத்து, அமெரிக்கா–இஸ்ரேல் கூட்டுப் போர் மற்றும் ஈரான் இடையேயான பதற்றமான சூழலில் வெளிப்பட்டுள்ளது.
அமெரிக்கா–இஸ்ரேல் கூட்டுப் படைகள் பிப்ரவரி 28 அன்று ஈரானை தாக்கியதில், அப்போதைய உச்சத் தலைவர் ஆயத்துல்லா அலி காமனெய் உயிரிழந்தார்.
பின்னர், அவரது மகன் 56 வயதான ஆயத்துல்லா மொஜ்தபா காமனெய் ஈரானின் புதிய உச்சத் தலைவராக அறிவிக்கப்பட்டார். இந்நிலையில், டிரம்ப், மொஜ்தபா காமனெய் தாக்குதல்களில் கடுமையாக காயமடைந்திருக்கலாம் எனக் கூறியுள்ளார். இது குறித்து ட்ரம்ப், “அவரின் உடல்நிலை சிறப்பாக இல்லை, பல்வேறு உறுப்புகளை இழந்திருக்கிறார்” என்றார்.
ட்ரம்ப் பேச்சு
இது தொடர்பாக, நியூயார்க் போஸ்ட் வெளியிட்ட “Pod Force One” பாட்காஸ்டில் பேசிய டிரம்ப், “நாம் ஒருநாள் சந்திப்போம், சூழ்நிலைகள் எப்படி மாறுகின்றன என்பதைப் பொறுத்தது” எனக் கூறினார். அவர், ஈரான்–அமெரிக்க பேச்சுவார்த்தைகளில் இறுதி முடிவுகளை மொஜ்தபா காமனெய் எடுத்து வருகிறார் என நம்புவதாகவும் தெரிவித்தார்.
இதே நேரத்தில், டிரம்ப்–நெதன்யாகு தொலைபேசி உரையாடல் மிகவும் கடுமையாக இருந்ததாக தகவல்கள் வெளியாகியுள்ளன. டிரம்ப், “நீ பைத்தியமா? நான் உன்னை சிறையில் போகாமல் காப்பாற்றினேன்” எனக் கோபமாகக் கூறியதாக சில அறிக்கைகள் தெரிவித்துள்ளன.
இதற்கிடையில், அமெரிக்க அதிபர் டொனால்ட் டிரம்ப், லெபனானுடன் இஸ்ரேல் தொடர்ந்து மோதுவது குறித்து கடும் அதிருப்தி தெரிவித்தார்.
இஸ்ரேல், ஹெஸ்பொல்லா மீது தெற்கு லெபனானில் தாக்குதலை அதிகரித்துள்ள நிலையில், அமெரிக்கா ஈரானுடன் அமைதி ஒப்பந்தம் செய்து ஹோர்முஸ் நீரிணையை மீண்டும் திறக்கவும், அணு திட்டத்தை கட்டுப்படுத்தவும் முயற்சி செய்து வருகிறது. இந்த தொலைபேசி உரையாடல், அமெரிக்கா–இஸ்ரேல் உறவுகள் எவ்வளவு பதற்றமாக உள்ளன என்பதை வெளிப்படுத்துகிறது என்பது குறிப்பிடத்தக்கது.
Jagadeeswari: நடிகர் தனுஷ் அரசியலுக்கு வந்தால் வரவேற்போம் என்று அமைச்சர் ஜெகதீஸ்வரி தெரிவித்துள்ளார்….
Asian Para Games 2026: ஆசிய பாரா விளையாட்டுப் போட்டிகளில் இந்தியா தடகளப் பிரிவில் 22 தங்கம், 19 வெள்ளி, 24 வெண்கலம் என மொத்தம் 65…
AI e-Sevai 2.0: தமிழகத்தில் செயற்கை நுண்ணறிவு (AI) தொழில்நுட்பத்துடன் கூடிய இ-சேவை 2.0 தளத்தின் மூலம் 1,000 அரசு சேவைகளை ஒரே தளத்தில் வழங்கத் திட்டமிடப்பட்டுள்ளது….
Rain Alert: வங்கக்கடலில் நிலவும் நன்கு குறிக்கப்பட்ட காற்றழுத்தத் தாழ்வுப் பகுதி இன்று காற்றழுத்தத் தாழ்வு மண்டலமாக வலுப்பெற வாய்ப்புள்ளது. இதற்கிடையே நீலகிரி, கோயம்புத்தூர், தருமபுரி, ஈரோடு,…
Landslide in Nilgiris: நீலகிரி மற்றும் கோவை மாவட்டங்களில் பெய்த கனமழையால் பல இடங்களில் மண்சரிவு ஏற்பட்டுள்ளது. ஊட்டிக்குச் சுற்றுலா வந்த கேரள மாணவர்கள் 150-க்கும்…
Jailer 2 Box Office :ரஜினிகாந்த் நடித்த ‘ஜெயிலர் 2’ திரைப்படம் வெளியான முதல் ஏழு நாட்களில் உலகளவில் ரூ.549 கோடிக்கும் அதிகமாக வசூலித்துள்ளதாக சன்…
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
