ஆதார் முகவரி திருத்தம்.. மின்சார பில் போதும்.. புதிய விதிகள் சொல்வது என்ன?

Aadhaar Update : ஆதார் அட்டை புதுப்பிப்பு விதிகளில் பெரிய மாற்றம் செய்யப்பட்டுள்ளது; இது குறித்து பார்க்கலாம்.

ஆதார் அட்டை

ByPushpa Gopinath

Published on: May 18, 2026 at 12:32 pm

Updated on: May 18, 2026 at 12:33 pm

சென்னை, மே 18, 2026: ஆதார் அட்டை புதுப்பிப்பு விதிகளில் பெரிய மாற்றம் செய்யப்பட்டுள்ளது. அந்த வகையில், பெயர், முகவரி, பிறந்த தேதி போன்ற விவரங்களை திருத்த 30-க்கும் மேற்பட்ட ஆவணங்கள் தற்போது பயன்படுத்தலாம். இதனால் பொதுமக்களுக்கு ஆவணச் சிக்கல்கள் குறைந்து, புதுப்பிப்பு செயல்முறை எளிதாகும்.

புதிய விதிகள்

ஆதார் புதிய விதிகள் மே 2026-இல் வெளியாகியுள்ளன; இதன் மூலம், பெயர், முகவரி, பிறந்த தேதி, உறவு விவரங்கள் போன்றவற்றை திருத்துவதற்கான ஆவணங்களின் பட்டியல் விரிவாக்கப்பட்டது.
இதில் வெளிநாட்டு வாழ் இந்தியர்கள் முதல் ஓ.சி.ஐ கார்டுதாரர்கள் வரை ஆதார் செல்லுபடியாகும் காலம் தெளிவாக வரையறுக்கப்பட்டுள்ளது.

ஏற்றுக்கொள்ளப்படும் முக்கிய ஆவணங்கள்

பாஸ்போர்ட் – அடையாளம், முகவரி, பிறந்த தேதி, அனைத்திற்கும் பயன்படுத்தலாம்.
வாக்காளர் அட்டை – அடையாளம் மற்றும் முகவரி திருத்தத்திற்கு பயன்படுத்தலாம்.
ரேஷன் கார்டு – அடையாளம், முகவரி திருத்தத்திற்கு பயன்படுத்தலாம்.
டிரைவிங் லைசன்ஸ் – அடையாளம் மட்டுமே.
மின்சார/தண்ணீர் பில் – முகவரி திருத்தத்திற்கு.
திருமணச் சான்றிதழ் – உறவு விவரங்களுக்கு.
வங்கி ஆவணங்கள் – முகவரி மற்றும் அடையாளம்

பொதுமக்களுக்கு நன்மைகள்

30க்கும் மேற்பட்ட ஆவணங்கள் ஏற்றுக்கொள்ளப்படுவதால், ஆவணச் சிக்கல்கள் குறையும்; மேலும், குழந்தைகளுக்கான ஆதார் பதிவு எளிமைப்படுத்தப்பட்டுள்ளது. இதனால், புதுப்பிப்பு மையங்களில் குழப்பம் குறைந்து, செயல்முறை விரைவாக நடைபெறும். மேலும், பொது சேவைகள், வங்கி, காப்பீடு, சலுகைகள் போன்றவற்றில் ஆதார் புதுப்பிப்பு எளிதாகும் என்பது குறிப்பிடத்தக்கது.

இதையும் படிங்க : Vodafone Idea Q4FY26: வோடபோன் லாபம் உயர்வு.. எவ்வளவு தெரியுமா?