மே 4 காலை 8 மணிக்கு வாக்கு எண்ணிக்கை.. தலைமை தேர்தல் அதிகாரி அர்ச்சனா பட்நாயக்!

Archana Patnaik : தமிழ்நாட்டில், மே 4ஆம் தேதி காலை 8 மணிக்கு வாக்கு எண்ணிக்கை தொடங்கும்; முதலில் தபால் வாக்குகள் எண்ணப்படும் என தலைமை தேர்தல் அதிகாரி அர்ச்சனா பட்நாயக் தெரிவித்துள்ளார்.

தமிழக தலைமை தேர்தல் அதிகாரி அர்ச்சனா பட்நாயக்

Postal Votes to Be Counted First on May 4 Says Chief Electoral Officer Archana Patnaik

ByJayakrishnan R

Published on: April 28, 2026 at 12:52 pm

சென்னை, ஏப்.28, 2026 தமிழ்நாடு சட்டப்பேரவைத் தேர்தல் வாக்கு எண்ணிக்கை மே 4ஆம் தேதி காலை 8 மணிக்கு தொடங்கப்படும்; தபால் வாக்குகள் முதலில் எண்ணப்படும் என தலைமை தேர்தல் அதிகாரி அர்ச்சனா பட்நாயக் திங்கள்கிழமை (ஏப்.27) தெரிவித்துள்ளார்.

வாக்கு எண்ணிக்கை விவரங்கள்

தேதி: மே 4, 2026
நேரம்: காலை 8 மணி
முதலில்: தபால் வாக்குகள் எண்ணப்படும்
பின்னர்: மின்னணு வாக்குப்பதிவு இயந்திரங்களில் பதிவான வாக்குகள் எண்ணிக்கை தொடங்கும்.

தபால் வாக்குகள்

இதுவரை 4.18 லட்சம் தபால் வாக்குகள் பதிவாகியுள்ளன. இந்த வாக்குகளை அரசு அதிகாரிகள், அத்தியாவசிய சேவை பணியாளர்கள், தேர்தல் பணியில் ஈடுபட்டவர்கள், மாற்றுத்திறனாளிகள் மற்றும் மூத்த குடிமக்கள் அளித்துள்ளனர்.

வாக்கு எண்ணிக்கை

இந்த நிலையில், தமிழ்நாட்டில் மாநிலம் முழுவதும் 62 மையங்களில் வாக்கு எண்ணிக்கை நடைபெறும் என தலைமை தேர்தல் அதிகாரி அர்ச்சனா பட்நாயக் தெரிவித்துள்ளார்.
மேலும், வாக்கு எண்ணிக்கை நடைபெறும் இடங்களில் கடுமையான பாதுகாப்பு ஏற்பாடுகள் செய்யப்பட்டுள்ளன எனவும் அவர் கூறினார்.

தமிழ்நாட்டில் 5.73 கோடி வாக்காளர்கள் உள்ளனர். இவர்களில், 84.69% வாக்காளர்கள் வாக்களித்துள்ளனர் – இது வரலாற்றிலேயே மிக உயர்ந்த வாக்கு சதவீதம் ஆகும்.
வாக்கு எண்ணிக்கையை தொடர்ந்து, 1.47 லட்சம் போலீசார் மற்றும் மத்திய ஆயுதப்படையினர் பாதுகாப்பு பணியில் ஈடுபடுத்தப்பட்டுள்ளனர்.
சென்னையில் மட்டும் 24,000 பேர் பாதுகாப்பு பணியில் ஈடுபட்டுள்ளனர். 75,064 வாக்குச்சாவடிகள் அமைக்கப்பட்டுள்ளன; அதில் 5,938 வாக்குச்சாவடிகள் ‘சென்சிட்டிவ்’ என அடையாளம் காணப்பட்டுள்ளதால் கூடுதல் பாதுகாப்பு அளிக்கப்பட்டுள்ளது என்பது குறிப்பிடத்தக்கது.

இதையும் படிங்க : 2027ம் ஆண்டுக்கான பத்ம விருதுகள்.. விண்ணப்பங்கள் வரவேற்பு.. முழு விவரம்!