ஆம் ஆத்மி கட்சியில் இருந்து அவர்கள் ஏன் விலகினார்கள்? அன்னா ஹசாரே

Anna Hazare Blames AAP : “கட்சி சரியான திசையில் சென்றிருந்தால், அவர்கள் கட்சியை விட்டு விலகியிருக்க மாட்டார்கள்” என மூத்த சமூக செயற்பாட்டாளர் அன்னா ஹசாரே கூறியுள்ளார்.

2011 ஊழல் எதிர்ப்பு போராட்டத்தின்போது, அன்னா ஹசாரே உடன் அரவிந்த் கெஜ்ரிவால்.

Anna Hazare Blames AAP Leadership as Chadha 6 MPs Quit

ByJayakrishnan R

Published on: April 25, 2026 at 10:18 pm

அகில்யாநகர், ஏப்.25, 2026: “ஆம் ஆத்மி கட்சி சரியான திசையில் சென்றிருந்தால், அவர்கள் கட்சியை விட்டு விலகியிருக்க மாட்டார்கள்” என மூத்த சமூக செயற்பாட்டாளர் அன்னா ஹசாரே கூறியுள்ளார்.

மூத்த சமூக செயற்பாட்டாளர் அன்னா ஹசாரே வெள்ளிக்கிழமை (ஏப்.24, 2026) மகாராஷ்டிரா மாநிலத்தின் அகில்யாநகர் மாவட்டத்தில் செய்தியாளர்களை சந்தித்தார்.
அப்போது பேசிய அவர், “ஜனநாயகத்தில் ஒவ்வொரு நபருக்கும் அரசியல் முடிவுகளை எடுக்க உரிமை உண்டு; தலைவர்கள் ஏன் விலகுகிறார்கள் என்பதை கட்சித் தலைமைகள் சிந்திக்க வேண்டும்.

அன்னா ஹசாரே செய்தியாளர் சந்திப்பு

ஜனநாயகத்தில் ஒவ்வொருவருக்கும் கருத்து உரிமை உண்டு. அவர்கள் ஏதோ சிரமத்தை சந்தித்திருப்பார்கள்; அதனால் தான் விலகியிருக்கிறார்கள்.
இது ஆம் ஆத்மி கட்சி தலைமையின் தவறு; அந்தக் கட்சி சரியான பாதையைப் பின்பற்றியிருந்தால், அவர்கள் விலகியிருக்க மாட்டார்கள்” என்றார்.

மேலும், “ஒரு கட்சியை விட்டு விலகும் அரசியல் முடிவின் பின்னால் எப்போதும் காரணங்கள் இருக்கும், அவை ஜனநாயகத்தின் பரந்த சூழலில் பார்க்கப்பட வேண்டும் எனவும் அன்னா ஹசாரே தெரிவித்துள்ளார்.

2011 ஊழல் எதிர்ப்பு போராட்டம்

2011 ஆம் ஆண்டு ஊழல் எதிர்ப்பு இயக்கத்தின் போது ஹசாரே மற்றும் அரவிந்த் கெஜ்ரிவால் நெருக்கமாக இணைந்திருந்தனர்.
அப்போது, கெஜ்ரிவால், டெல்லியில் நடைபெற்ற போராட்டங்கள் மற்றும் உண்ணாவிரதங்களில் அன்னா ஹசாரேவுடன் இணைந்து பணியாற்றினார் என்பது நினைவு கூரத்தக்கது.

இதையும் படிங்க : பா.ஜ.க.வில் இணையும் ஹர்பஜன் சிங்? பரபரப்பு தகவல்கள்!