பாஜகவை தோற்கடிப்பதா? கட்சியை வளர்ப்பதா? எது முக்கியம்? இந்திய கம்யூனிஸ்ட் பதில்!

M Veerapandian: கட்சியை வளர்ப்பதா அல்லது பாரதிய ஜனதாவை தோற்கடிப்பதா என்ற கேள்விக்கு இந்திய கம்யூனிஸ்ட் கட்சியின் மாநிலச் செயலாளர் எம். வீரபாண்டியன் பதிலளித்துள்ளார்.

இந்திய கம்யூனிஸ்ட் மாநிலச் செயலாளர் எம். வீரபாண்டியன்.

BySaranya JK

Published on: March 20, 2026 at 4:53 pm

சென்னை, மார்ச் 20, 2026: இந்திய கம்யூனிஸ்ட் கட்சியின் மாநிலச் செயலாளர் எம். வீரபாண்டியன் ஆங்கில நாளேடு ஒன்றுக்கு பிரத்யேக பேட்டி அளித்துள்ளார். அந்தப் பேட்டியில் அவரிடம் பாஜகவை தோற்கடிப்பதா? கட்சியை வளர்ப்பதா? எது முக்கியம்? என்ற கேள்வி முன்வைக்கப்பட்டது.

இதற்குப் பதிலளித்த வீரபாண்டியன், “தற்போதைய காலகட்டத்தில் பாரதிய ஜனதா கட்சியை தோற்கடிப்பது மிக முக்கியம். ஜனநாயகத்தை காப்பாற்ற அது அவசியம். அதே நேரத்தில், நாங்கள் எங்கள் கட்சியையும் கட்டியெழுப்பிக் கொண்டிருக்கிறோம்” என்றார்.

இதையும் படிங்க: அதிமுக கூட்டணியில் 30 தொகுதிகள் கேட்கும் பாஜக? பரபரப்பு தகவல்கள்!

மேலும், “இதுவரை இல்லாத அளவுக்கு நெருக்கமாகி வருகின்றன. எங்களுக்கு ஒரே புரிதல் உள்ளது. இப்போது எங்கள் முக்கிய இலக்கு தமிழ்நாட்டில் பாஜகவை தோற்கடிப்பதே. அதில் இருவரும் தெளிவாக இருக்கிறோம். அணுகுமுறையில் வேறுபாடுகள் இருக்கலாம். ஆனால் நீண்ட காலத்தில் அரசியலில் நாங்கள் மேலும் நெருங்கி வருகிறோம்” எனவும் குறிப்பிட்டார்.

நீங்கள் விரும்பும் தொகுதிகளை தி.மு.க.விடம் வலியுறுத்துவீர்களா? என்ற கேள்விக்கு, “நாங்கள் கேட்கும் இடங்கள் பெரும்பாலும் வழங்கப்படும். அதற்கான நம்பிக்கை எங்களுக்கு உள்ளது. சிறிய மாற்றங்கள் இருக்கலாம், அது இடவசதி பகிர்வில் சாதாரணம். மொத்தத்தில் நாங்கள் நம்பிக்கையுடன் இருக்கிறோம்” எனவும் எம். வீரபாண்டியன் பதிலளித்துள்ளார்.

5 தொகுதிகள் ஒதுக்கீடு

தி.மு.க. கூட்டணியில் இந்திய கம்யூனிஸ்ட் கட்சிக்கு 5 தொகுதிகள் ஒதுக்கீடு செய்யப்பட்டுள்ளன. 2021 சட்டமன்ற தேர்தலில் இதே கூட்டணியில் இந்திய கம்யூனிஸ்ட் 6 இடங்களில் போட்டியிட்டது என்பது குறிப்பிடத்தக்கது.

இதையும் படிங்க: வயதான காலத்திலும் டெல்லிக்குப் பறந்தவர் கருணாநிதி..அதிமுக அக்டாக்!