முதல் மரியாதை போன்ற படத்தில் ரஜினிகாந்த்.. சுதா கொங்காரா விபரீத ஆசை!

Sudha Kongara: சூப்பர் ஸ்டார் ரஜினிகாந்த்-ஐ வைத்து முதல் மரியாதை போன்ற காதல் படம் இயக்க வேண்டும் என்கிறார் டைரக்டர் சுதா கொங்காரா.

முதல் மரியாதை சிவாஜி, ரஜினிகாந்த், சுதா கொங்காரா

ByAkila Ramakrishnan

Published on: December 29, 2025 at 8:58 pm

சென்னை, டிச.29, 2025: நடிகர் திலகம் செவாலியே சிவாஜி கணேசன் நடிப்பில் மாபெரும் வெற்றிப் பெற்ற படம் முதல் மரியாதை. பாரதிராஜா இந்தப் படத்தை இயக்கி இருப்பார். இப்படத்தில் மாறுபட்ட காதல் கதையை கொண்ட படம் ஆகும். படத்தில் சிவாஜி கணேசன் வடிவுக்கரசி கணவராக வாழ்வார். இவருக்கு வயதான காலத்தில் நடிகை ராதா மீது காதல் வரும். இந்த படம் விரசமின்றி மிக அழகாக கிராமிய காதலை கண்முன்னே கொண்டு வந்து நிறுத்தி இருக்கும்.

இந்தப் படத்தில் சமூகம் சார்ந்த பிரச்னை உள்பட பல்வேறு விஷயங்களை பாரதிராஜா அழகாக பேசி இருப்பார். படத்தில் இளையராஜாவின் இசையில் அனைத்து பாடல்களும் பட்டிதொட்டியெங்கும் ஹிட் அடித்தன. இன்றளவும் முதல் மரியாதை படத்தில் வரும் பாடல்கள் கிராமப்புறங்களில் ஒலிப்பதை பார்க்க முடியும். காது குத்து முதல் திருமணம் வரை மைக் செட்களில் இந்தப் படத்தின் பாடல்களை கேட்க முடியும்.

இதையும் படிங்க: வதம் பட நாயகன் திடீர் மரணம்.. ரசிகர்கள் அதிர்ச்சி!

இந்த நிலையில் நடிகர் ரஜினிகாந்த்-ஐ வைத்து முதல் மரியாதை போன்ற காதல் படத்தை இயக்க ஆசை என்கிறார் பராசக்தி படத்தின் டைரக்டர் சுதா கொங்காரா. சுதா கொங்காரா சிவகார்த்திகேயனை வைத்து பராசக்தி என்ற படத்தை இயக்கியுள்ளார். இந்தப் படம் பொங்கலுக்கு முன்னதாக வெளியாகிறது. படத்தில் 1960களில் நடந்த ஹிந்தி எதிர்ப்பு போராட்டங்கள் காட்சியமைக்கப்பட்டுள்ளன.

இந்த நிலையில் ரஜினிகாந்த்-ஐ இயக்க வேண்டும் என தனது ஆசையை வெளிப்படுத்தியுள்ளார் சுதா கொங்காரா. இது தொடர்பாக பேசிய அவர், “ஒரு பெரிய ஹீரோவை வைத்து காதல் படம் செய்ய வேண்டும் என்பதுதான் என்னுடைய ஆசை. அது ரஜினிகாந்த் சார்தான். அவரை வைத்து முதல் மரியாதை போன்ற அழகிய படத்தை எடுக்க வேண்டும் என்ற ஆசை உள்ளது. அதற்கான கதையும் என்னிடம் இருக்கிறது. அது இன்னமும் கொஞ்சம் முழுமைப் பெற வேண்டும்” எனத் தெரிவித்துள்ளார்.

இதையும் படிங்க: வீடியோ: தளபதியை சுற்றுப்போட்ட ரசிகர்கள்.. தடுமாறி விழுந்த விஜய்!