8.49 சதவீதம் வரை ரிட்டன்: இண்டஸ்இந்த் வங்கி ஃபிக்ஸட் டெபாசிட் வட்டி உயர்வு!

IndusInd Bank FD interest rates | தனியார் வங்கியான இண்டஸ்இந்த் பேங்க் ஃபிக்ஸட் டெபாசிட் வட்டி விகிதங்களை திருத்தியுள்ளது. திருத்தப்பட்ட புதிய வட்டி விகிதங்கள் செப்.7, 2024 முதல் அமலுக்கு வருகின்றன. புதிய வட்டி விகிதங்களின் படி சாதாரண குடிமக்களின் 7 நாள்கள் முதல் 10 ஆண்டுகள் வரையிலான டெபாசிட்களுக்கு 3.50 சதவீதம் முதல் 7.75 சதவீதம் வரை வட்டி விகிதங்கள் அளிக்கப்படுகின்றன.
1 முதல் 2 ஆண்டுகளில் முதிர்ச்சியடையும் டெபாசிட்களுக்கு 7.75 சதவீதம் வரை வட்டி வழங்கப்படுகிறது. மேலும், 1 வருடம் 4 மாதங்கள் முதல் 1 வருடம் 6 மாதங்கள் வரையிலான டெபாசிட்களுக்கு மூத்தக் குடிமக்களுக்கு அதிகப்பட்சமாக 8.49 சதவீதம் வட்டி வழங்கப்படுகிறது. இதில் பொதுகுடிமக்களுக்கு 7.99 சதவீதம் வட்டி வழங்கப்படும்.

எஸ்.பி.ஐ வட்டி விகிதம்

எஸ்.பி.ஐ மூத்த குடிமக்களுக்காக அம்ரித் கலாஷ், 1 ஆண்டு, 3 ஆண்டு மற்றும் 5 ஆண்டு என பல்வேறு ஃபிக்ஸட் டெபாசிட் திட்டங்களை நடத்துகிறது. இதில், அம்ரித் கலாஷ் திட்டத்தில் மூத்த குடிமக்களுக்கு எஸ்பிஐ அதிக வட்டி விகிதத்தை வழங்குகிறது. 444 நாள் சிறப்புத் திட்டம் 7.75 சதவீத வட்டி விகிதத்தை வழங்குகிறது.

இதையும் படிங்க : 7.65 சதவீதம் வரை வட்டி: 3 ஆண்டு ஃபிக்ஸட் டெபாசிட்டுக்கு எந்த வங்கியில் பெஸ்ட் ரிட்டன்?

மேலும், 1-, 3- மற்றும் 5 வருட எஸ்.பி.ஐ மூத்த குடிமக்கள் ஃபிக்ஸட் டெபாசிட்களுக்கான வட்டி விகிதங்கள் முறையே 7.30 சதவீதம், 7.25 சதவீதம் மற்றும் 7.50 சதவீதம் ஆகும்.

கோடக் மஹிந்திரா வங்கி

கோடக் மஹிந்திரா வங்கி மூன்று ஆண்டு கால ஃபிக்ஸட் டெபாசிட்களில் பொதுக் குடிமக்களுக்கு 7 சதவீத வருடாந்திர வட்டியை வழங்குகிறது. அதேநேரத்தில், மூத்த குடிமக்களுக்கு 7.6 சதவீத வட்டியை வழங்குகிறது. இந்தப் புதிய வட்டி விகிதங்கள் 2024 ஜூன் 14ஆம் தேதி முதல் அமலுக்கு வந்துள்ளன.

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்