ஓராண்டு முதலீடு செய்தால் போதும்.. கன்ஃபார்ம் பெஸ்ட் ரிட்டன்.. இந்த 7 வங்கிகளை செக் பண்ணுங்க!

Fixed deposit: நாட்டின் பிரபலமான 7 வங்கிகளின் ஓராண்டு ஃபிக்ஸட் டெபாசிட் முதலீட்டுக்கு வழங்கப்படும் வட்டி விகிதங்கள் குறித்து பார்ப்போம்.

ஃபிக்ஸட் டெபாசிட் முதலீடு

BySaranya JK

Published on: September 18, 2025 at 8:27 pm

சென்னை, செப்.18, 2025: இந்தியாவில் உள்ள பெரும்பாலான வங்கிகள் வழக்கமான குடிமக்களுக்கு 1 வருட ஃபிக்ஸட் டெபாசிட் முதலீடுக்கு ஆண்டுக்கு 6.25 முதல் 6.40 சதவீதம் வரை வட்டி வழங்குகின்றன. மூத்த குடிமக்கள் கூடுதலாக 50 அடிப்படை புள்ளிகளைப் பெற வாய்ப்புகள் உண்டு.

உதாரணமாக, நீங்கள் ₹10 லட்சத்தை 5 வருட வைப்புத்தொகையில் முதலீடு செய்தால், ஒரு வருடத்தில் 6.50 சதவீத வட்டி கிடைக்கும். அந்த வகையில், நீங்கள் ஒரு வருடத்தில் கூடுதலாக ₹5,000 சம்பாதிக்கலாம். இதுவே, 3 வருட கால நிலையான வைப்புத்தொகையில், நீங்கள் கூடுதலாக ₹15,000 வட்டியாக பெறலாம்.

வ.எண்	வங்கி	வட்டி விகிதம் (%)	மூத்தக் குடிமக்கள் வட்டி விகிதம் (%)
01	யூனியன் பேங்க் ஆஃப் இந்தியா	6.40	6.90
02	ஸ்டேட் பேங்க் ஆஃப் இந்தியா	6.25	6.75
03	ஃபெடரல் வங்கி	6.40	6.90
04	ஆக்ஸிஸ் வங்கி	6.25	6.75
05	கோடக் மகிந்திரா வங்கி	6.25	6.75
06	ஐ.சி.ஐ.சி.ஐ வங்கி	6.25	6.75
07	ஹெச்.டி.எஃப்.சி வங்கி	6.25	6.75

(தரவுகள்: வங்கி அதிகாரப்பூர்வ இணையதளம்)

ஓராண்டு ஃபிக்ஸட் டெபாசிட் வட்டி விகிதம்

ஸ்டேட் பாங்க் ஆஃப் இந்தியா (எஸ்.பி.ஐ) ஜூலை 15 முதல், வழக்கமான குடிமக்களுக்கு 1 வருட நிலையான வைப்புத்தொகைக்கு 6.25 சதவீத வட்டியையும், மூத்த குடிமக்களுக்கு 6.75 சதவீத வட்டியையும் வழங்கி வருகிறது.

யூனியன் பாங்க் ஆஃப் இந்தியா வழக்கமான குடிமக்களுக்கு 6.40 சதவீத வட்டியையும் மூத்த குடிமக்களுக்கு 6.90 சதவீத வட்டியையும் வழங்குகிறது. இந்த விகிதங்கள் ஆகஸ்ட் 20 முதல் அமலுக்கு வந்தன.

ஃபெடரல் வங்கி வழக்கமான வாடிக்கையாளர்களுக்கு 1 வருட நிலையான வைப்புத்தொகைக்கு 6.40 சதவீத வட்டியையும், மூத்த குடிமக்களுக்கு 6.90 சதவீத வட்டியையும் ஆகஸ்ட் 18, 2025 முதல் வழங்குகிறது.

ஆக்சிஸ் வங்கி வழக்கமான மற்றும் மூத்த குடிமக்களுக்கு 1 வருட எஃப்.டி-க்கு முறையே 6.25 சதவீதம் மற்றும் 6.75 சதவீத வட்டியை வழங்குகிறது.

கோடக் மஹிந்திரா வங்கி வழக்கமான குடிமக்களுக்கு 1 வருட காலப்பகுதியில் 6.25 சதவீதத்தையும், மூத்த குடிமக்களுக்கு 6.75 சதவீதத்தையும் வட்டியாக வழங்குகிறது. இந்த விகிதங்கள் 20 ஆகஸ்ட் 2025 அன்று அமலுக்கு வந்தன.

ஐசிஐசிஐ வங்கி 1 வருடம் முதல் 18 மாதங்கள் வரையிலான கால அளவுள்ள நிரந்தர வைப்புத்தொகைக்கு வழக்கமான குடிமக்களுக்கு 6.25 சதவீத வட்டியையும், மூத்த குடிமக்களுக்கு 6.75 சதவீத வட்டியையும் வழங்குகிறது.

ஹெச்.டி.எஃப்.சி வங்கியை பொருத்தமட்டில் வழக்கமான குடிமக்களுக்கு 1 வருட நிலையான வைப்புத்தொகைக்கு 6.25 சதவீத வட்டியையும், மூத்த குடிமக்களுக்கு 6.75 சதவீத வட்டியையும் வழங்குகிறது. இந்த விகிதங்கள் ஜூன் 25, 2025 அன்று அமலுக்கு வந்துள்ளன.

இதையும் படிங்க : மூத்தக் குடிமக்கள் சேமிப்பு திட்டம் vs வங்கி எஃப்.டி. எது பெஸ்ட் முதலீடு?