Waqf Amendment Act: மத்திய பாரதிய ஜனதா அரசாங்கம் கொண்டுவந்துள்ள வக்ஃப் திருத்தச் சட்டத்தில் முக்கிய திருத்தங்களுக்கு உச்ச நீதிமன்றம் இன்று (திங்கள்கிழமை) தடை விதித்தது.
Waqf Amendment Act: மத்திய பாரதிய ஜனதா அரசாங்கம் கொண்டுவந்துள்ள வக்ஃப் திருத்தச் சட்டத்தில் முக்கிய திருத்தங்களுக்கு உச்ச நீதிமன்றம் இன்று (திங்கள்கிழமை) தடை விதித்தது.
Published on: September 15, 2025 at 10:45 pm
சென்னை, செப்.15, 2025: மத்திய பாரதிய ஜனதா அரசாங்கம் கொண்டுவந்துள்ள வக்ஃப் திருத்தச் சட்டத்தில் முக்கிய திருத்தங்களுக்கு எதிரான மனுக்கள் டெல்லி உச்ச நீதிமன்றத்தில் இன்று (திங்கள்கிழமை) விசாரணைக்கு வந்தன.
இந்த மனுக்கள் உச்ச நீதிமன்ற தலைமை நீதிபதி பி.ஆர். கவாய் தலைமையில் விசாரணைக்கு வந்தது. அப்போது, வக்ஃப் திருத்தச் சட்டத்தில் முக்கிய திருத்தங்களுக்கு உச்ச நீதிமன்றம் தடை விதித்தது. இந்தத் தடையை தி.மு.க. தலைவரும், தமிழக முதலமைச்சருமான மு.க. ஸ்டாலின் வரவேற்றுள்ளார்.
மேலும், தமிழக வெற்றிக் கழக தலைவர் நடிகர் விஜய்யும் வரவேற்றுள்ளார். இது குறித்து தமிழக முதலமைச்சர் மு.க ஸ்டாலின், “பாரதிய ஜனதா அரசு கொண்டுவந்துள்ள வக்ஃப் திருத்தச் சட்டத்தில் முக்கிய திருத்தங்களுக்கு உச்ச நீதிமன்றம் தடை விதித்துள்ளது.
இஸ்லாமியர்களின் மதம் மற்றும் அடிப்படை உரிமைகளையும், அரசியலமைப்பு சட்டத்தையும் மாண்பமை உச்ச நீதிமன்றம் பாதுகாக்கும் என்ற நம்பிக்கையை ஏற்படுத்தும் வகையில் இந்த உத்தரவு அமைந்துள்ளது” எனத் தெரிவித்துள்ளார்.
நடிகர் விஜய் வரவேற்பு
நடிகரும் தமிழக வெற்றிக் கழகத் தலைவருமான நடிகர் விஜய், “நீதி, சமத்துவம், மத சுதந்திரத்தை குறைக்க முற்படும் விதிகளை உச்ச நீதிமன்றம் நிறுத்தியுள்ளது. இந்த இடைக்கால உத்தரவு நீதிக்கும், சட்ட மதிப்புகளுக்கும் கிடைத்த வெற்றி” எனத் தெரிவித்துள்ளார்.
இதையும் படிங்க : விஜய் வெல்வாரா என்பதை சொல்ல முடியாது.. கார்த்தி ப சிதம்பரம்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
