நீ கதாநாயகன் தலைவா.. லோகேஷ் கனகராஜ் புதிய அவதாரம்.!

Lokesh Kanagaraj: இயக்குனர் லோகேஷ் கனகராஜ் நடிகராக மாற உள்ளதாக தகவல்கள் வெளியாகி வருகின்றன.

இயக்குனர் லோகேஷ் கனகராஜ்

Director Lokesh Kanagaraj is said to be playing the lead role in the next film

ByAkila Ramakrishnan

Published on: May 9, 2025 at 6:31 pm

சென்னை மே 9 2025: தமிழ் சினிமாவில் முக்கிய இயக்குனர்களில் ஒருவராக திகழும் லோகேஷ் கனகராஜ், சினிமாவில் கதாநாயகனாக நடிக்க உள்ளார் என்ற தகவல்கள் வெளியாகி உள்ளன.

இயக்குனர் யார்?

இயக்குனர் லோகேஷ் கனகராஜ் குறித்து வெளியான தகவலில், அவர் நடிக்கும் புதிய படத்தை கேப்டன் மில்லர் என்ற படத்தை இயக்கிய அருண் மாதேஸ்வரன் இயக்க உள்ளதாக கூறப்படுகிறது.

இது சாத்தியமாகும் பட்சத்தில் இயக்குனராக சினிமா துறையில் அறிமுகம் ஆகி நடிகராக உயர்ந்தவர் என்ற பெருமையை லோகேஷ் கனகராஜ் பெறுவார்.

தமிழில் மாநகரம் என்ற திரைப்படத்தை இயக்கி அறிமுகமான லோகேஷ் கனகராஜ் அதன் பின்னர் கைதி, மாஸ்டர், விக்ரம், லியோ என வரிசையாக ஹிட் படங்களை கொடுத்தார். இதில் மாஸ்டர் மற்றும் லியோ இளைய தளபதி விஜயின் படங்களாகும். விக்ரம் கமல்ஹாசனின் திரைப்படம்.

அடுத்து தற்போது லோகேஷ் கனகராஜ் நடிகர் ரஜினிகாந்த் உடன் இணைந்துள்ளார். இந்தப் படத்திற்கு கூலி என பெயரிடப்பட்டுள்ளது. இந்த படத்தில் ரஜினிகாந்த், நாகர்ஜுனா, உபேந்திரா, ஷாப்ன் சாகீர், சத்யராஜ், சுருதிஹாசன் என பல நட்சத்திர பட்டாளங்கள் உள்ளன.

இதையும் படிங்க; சமந்தா-ராஜ் ரிலேஷன்ஷிப் உண்மையா? திடீர் வைரலான புகைப்படம்!