மாஸ்க் கட்டாயம்; மோசமான பட்டியலில் லாகூர் முதலிடம்: என்ன தெரியுமா?

Polluted City in the world | உலகிலேயே அதிகம் மாசடைந்த மாநிலத்தின் பெயரை உலக சுகாதார அமைப்பு அறிவித்துள்ளது.

லாகூர் நகரம்

lahore again got first place in most polluted city in the world

ByDravidan Times Bureau

Published on: October 29, 2024 at 8:50 pm

Updated on: October 29, 2024 at 9:39 pm

Polluted City in the world | உலகில் அதிக மாசடைந்த நகரங்கள் பட்டியலில், பாகிஸ்தானின் லாகூர் நகரம் மீண்டும் முதலிடம் பிடித்துள்ளது. உலக சுகாதார அமைப்பு நிர்ணயித்துள்ள வருடாந்திர பாதுகாப்பு எல்லை அளவை விட லாகூர் நகரம் 86 மடங்கு அதிக காற்று மாசடைந்துள்ளது. இந்நகரின் காற்று தரக்குறியீடு 708 ஆக உள்ளது.

அதிகப்படியான காற்று மாசுபாட்டால், லாகூர் நகரின் லட்சக்கணக்கான மக்களின் சுகாதாரம் பாதிப்புக்குள்ளாகி உள்ளது. இங்கு கோடைக்காலத்தில் கூட தீங்கு விளைவிக்கும் புகைப்பனி காணப்படுகிறது. வேளாண் கழிவுகளை எரிப்பதில் தொடங்கி, கட்டுப்பாடற்ற வாகன புகை வெளியேற்றம், பழைய காலத்து தொழிற்சாலை நடைமுறைகள் மற்றும் சுற்றுச்சூழல் பற்றிய திறனற்ற ஒட்டுமொத்த பார்வை வரை இந்த காற்று மாசுபாட்டுக்கான காரணிகளாக உள்ளன.

இதனை தொடர்ந்து பொதுமக்கள் முக கவசங்களை அணியும்படியும், வெளியில் செல்வதை குறைத்துக் கொள்ளும்படியும் மூத்த அமைச்சரான மரியும் அவுரங்கசீப், அவசரநிலை எச்சரிக்கை விடுத்துள்ளார்.

இதையும் படிங்க பாகிஸ்தானில் தற்கொலைபடை தாக்குதல் ; 8 பேர் பலி