boAt ‘PartyPal’ : இந்தியாவின் முன்னணி ஆடியோ சாதனங்களின் பிராண்டான போட் (boAt), தனது புதிய பார்ட்டிபால் (PartyPal) ஸ்பீக்கர் வரிசையை அறிமுகப்படுத்தியுள்ளது.
boAt ‘PartyPal’ : இந்தியாவின் முன்னணி ஆடியோ சாதனங்களின் பிராண்டான போட் (boAt), தனது புதிய பார்ட்டிபால் (PartyPal) ஸ்பீக்கர் வரிசையை அறிமுகப்படுத்தியுள்ளது.
Published on: August 18, 2026 at 12:19 pm
புதுடெல்லி ஆகஸ்ட் 18, 2026; இந்தியாவின் முன்னணி ஆடியோ சாதனங்களின் பிராண்டான போட் (boAt), தனது புதிய பார்ட்டிபால் (PartyPal) ஸ்பீக்கர் வரிசையை அறிமுகப்படுத்தியுள்ளது. எட்டு மாடல்களைக் கொண்ட இந்த வரிசை, கரோக்கி இரவுகள், வீட்டு விருந்துகள் மற்றும் பெரிய அளவிலான கொண்டாட்டங்களுக்கு ஏற்ற வகையில் வடிவமைக்கப்பட்டுள்ளது. விலை ₹9,499 முதல் ₹24,999 வரை நிர்ணயிக்கப்பட்டுள்ளது.
இந்த பார்ட்டிபால் தொடரில், கரோக்கி ப்ரோ ட்யூனர், டி.ஜே கண்ட்ரோல், டைனமிக் ஆர்.ஜி.பி விளக்குகள், மற்றும் போட் சிக்னேச்சர் சவுண்ட் ஆகியவை ஒருங்கிணைக்கப்பட்டுள்ளன. மேலும், ப்ரோ ட்யூனர் மைக்ரோஃபோன்கள் மூலம் யார் வேண்டுமானாலும் பாடலாம்” என்ற பிரச்சாரத்தின் அடிப்படையில், நிகழ்நேர குரல் சரிசெய்தல் (real-time vocal tuning) வசதி வழங்கப்பட்டுள்ளது. இதனால், பாடும் திறனைப் பொருட்படுத்தாமல், கரோக்கி அனுபவம் எளிதாகவும் சுவாரஸ்யமாகவும் மாறுகிறது.
இந்த தொடரின் முக்கிய மாடலான பார்ட்டிபால் 650, 300W சக்திவாய்ந்த ஒலியுடன், இரண்டு UHF வயர்லெஸ் மைக்ரோஃபோன்கள், DJ டிராக்குகள், பேஸ் டிராப் பேட் மற்றும் RGB எல்.இ.டி விளக்குகளைக் கொண்டுள்ளது. போட் ஹரபில்ஸ் செயலி மூலம், பயனர்கள் ஒலி அமைப்பு, ஒளி விளைவுகள் மற்றும் ஸ்பீக்கர் அமைப்புகளை தனிப்பயனாக்க முடியும்.
இதுகுறித்து போட் நிறுவனத்தின் தலைமை செயல் அதிகாரி கௌரவ் நய்யார், “இசை எப்போதும் மக்களை ஒன்றிணைக்கும் ஊடகமாக இருந்து வருகிறது. பார்ட்டிபால் தொடரின் மூலம், வெறும் ஒலியைத் தாண்டி, இந்தியாவின் கொண்டாட்ட மனநிலைக்கு ஏற்ற முழுமையான பொழுதுபோக்கு அனுபவத்தை உருவாக்குகிறோம்” என்று தெரிவித்துள்ளார்.
இந்த புதிய பார்ட்டிபால் வரிசை, சிறிய வீட்டு விருந்துகள் முதல் பெரிய அளவிலான நிகழ்வுகள் வரை, அனைவரையும் ஈடுபடுத்தும் வகையில் வடிவமைக்கப்பட்டுள்ளது. boAt Signature Sound, கரோக்கி, DJ அம்சங்கள் மற்றும் RGB விளக்குகள் ஆகியவற்றை ஒருங்கிணைத்து, நுகர்வோருக்கு மறக்க முடியாத பொழுதுபோக்கு அனுபவத்தை வழங்குகிறது.
இதையும் படிங்க; மடிக்கக்கூடிய ஐ-போன் மாடல் எப்போது கிடைக்கும்? வெளியான அறிவிப்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
