விஜய்- டி.கே. சிவக்குமார் சந்திப்பு.. நேரம், தேதி உறுதி?

TN–Karnataka CMs to Meet : தமிழக முதலமைச்சர் விஜய், கர்நாடக முதலமைச்சர் டி.கே சிவக்குமார் சந்திப்பு நேரம் தேதி உறுதிப்படுத்தப்பட்டுள்ளதாக தகவல்கள் தெரிவிக்கின்றன.

தமிழக முதலமைச்சர் விஜய், டி.கே. சிவக்குமார்

BySaranya JK

Published on: July 30, 2026 at 8:50 pm

சென்னை, ஜூலை 30, 2026: கர்நாடகா முதலமைச்சர் டி.கே. சிவகுமார் மற்றும் தமிழ்நாடு முதலமைச்சர் ஜோசப் விஜய் இடையிலான சந்திப்பு நேரம் உறுதி செய்யப்பட்டுள்ளது. அந்த வகையில், மேகதாது விவகாரம் தொடர்பாக இரு மாநிலங்களின் தலைவர்கள் ஆகஸ்ட் 3 ஆம் தேதி பிற்பகல் 12 மணிக்கு கர்நாடகா தலைமைச் செயலகத்தில் சந்திக்க உள்ளனர் எனக் கூறப்படுகிறது.

இந்த சந்திப்பில் காவிரி நீர் பகிர்வு மற்றும் மேகதாது அணைத் திட்டம் தொடர்பான விவாதங்கள் நடைபெறும் என எதிர்பார்க்கப்படுகிறது. தமிழ்நாடு மற்றும் கர்நாடகா இடையே நீண்டகாலமாக நிலவி வரும் இந்த விவகாரம், இரு மாநிலங்களின் அரசியல் மற்றும் நீர் வள மேலாண்மையில் முக்கியத்துவம் வாய்ந்ததாகும்.

சந்திப்புக்குப் பிறகு, இரு முதலமைச்சர்களும் நேரடியாக மேகதாது திட்டப்பகுதிக்கு சென்று ஆய்வு செய்ய திட்டமிட்டுள்ளதாக தகவல்கள் தெரிவிக்கின்றன. இதன் மூலம், திட்டத்தின் நடைமுறை சாத்தியக்கூறுகள் மற்றும் அதன் விளைவுகள் குறித்து நேரடி மதிப்பீடு செய்யப்படலாம்.

மேகதாது திட்டம் தொடர்பாக மத்திய நீர் ஆணையம் சமீபத்தில் கர்நாடகா சமர்ப்பித்த திருத்தப்பட்ட திட்ட அறிக்கையை திருப்பி அனுப்பியிருந்தது. அது காவிரி நடுவர் மன்றத் தீர்ப்பு மற்றும் உச்ச நீதிமன்றத்தின் 2018 தீர்ப்புக்கு இணங்கவில்லை என்று கூறப்பட்டது. இதனால், இந்த சந்திப்பு இரு மாநிலங்களுக்கும் முக்கியமானதாகக் கருதப்படுகிறது.

தமிழ்நாடு அரசு, மேகதாது திட்டம் காவிரி நீர் ஒதுக்கீட்டில் பாதிப்பை ஏற்படுத்தும் என்று வலியுறுத்தி வருகிறது. கர்நாடகா அரசு, பெங்களூருவின் குடிநீர் தேவையை பூர்த்தி செய்யும் நோக்கில் திட்டத்தை முன்னெடுக்க விரும்புகிறது. ஆகஸ்ட் 3 ஆம் தேதியிலான இந்த சந்திப்பு, இரு மாநிலங்களின் நீர் விவகாரத்தில் புதிய முன்னேற்றத்தை உருவாக்கும் வாய்ப்புள்ளதாக பார்க்கப்படுகிறது.

இதையும் படிங்க : மேகதாது விரிவான திட்ட அறிக்கை.. திருப்பி அனுப்பிய மத்திய அரசு!