MP Robert Bruce: இடிந்த கரையைச் சேர்ந்த 43 மீனவர்களை மீட்க வேண்டும் என திருநெல்வேலி எம்பி ராபர்ட் ப்ரூஸ் கோரிக்கை விடுத்துள்ளார்.
MP Robert Bruce: இடிந்த கரையைச் சேர்ந்த 43 மீனவர்களை மீட்க வேண்டும் என திருநெல்வேலி எம்பி ராபர்ட் ப்ரூஸ் கோரிக்கை விடுத்துள்ளார்.
Published on: March 12, 2026 at 10:17 pm
புதுடெல்லி, மார்ச் 12 2026: ஈரான் மற்றும் அண்டை நாடுகளில் சிக்கித் தவிக்கும் தமிழக மீனவர்களை மீட்க வேண்டும் என்ற கோரிக்கைகள் அதிகரித்து வரும் நிலையில், போர் பாதித்த நாட்டில் சிக்கியுள்ளதாக கூறப்படும் ஆர். சஹாயா ஜெனிஷ் ராஜ் மற்றும் ஜே. ஜூட்லின் ஆகிய இருவரை மீட்க உத்தரவிட வேண்டும் எனக் கோரி மனுக்கள் தாக்கல் செய்யப்பட்டிருந்தன. இந்த மனுக்களை கன்னியாகுமரி மாவட்டத்தைச் சேர்ந்த அவர்களின் சகோதரர்கள் தாக்கல் செய்திருந்தனர்.
மனுதாரர்கள் கூறுகையில், கன்னியாகுமரி மட்டுமின்றி தூத்துக்குடி, திருநெல்வேலி, ராமநாதபுரம் மற்றும் கடலூர் ஆகிய மாவட்டங்களைச் சேர்ந்த பல மீனவர்கள் ஈரானில் வேலை செய்து வருவதாகவும், அதிகரித்து வரும் மோதல் காரணமாக அவர்கள் ஆபத்தில் உள்ளதாகவும் தெரிவித்தனர்.
இதற்கிடையில், ஈரான் மற்றும் அண்டை நாடுகளில் தற்போது பணியாற்றும் தமிழக மீனவர்களின் எண்ணிக்கை 593 என மீன்வளத் துறையின் மூத்த அதிகாரி தெரிவித்துள்ளார். இதுவரை மீனவர்களிடமிருந்து நேரடியாக எந்த அவசர அழைப்பும் வரவில்லை என்றும், அவர்களின் குடும்பத்தினரே கவலை தெரிவித்துள்ளதாகவும் கூறினார்.
அங்கு நடைபெற்று வரும் மோதல் சூழ்நிலை காரணமாக தற்போது வெளியேற்ற நடவடிக்கை மேற்கொள்ள இயலாது என மத்திய அரசு நீதிமன்றத்தில் தெரிவித்தது. ஈரான் அரசு தற்காலிகமாக துறைமுகங்கள் மற்றும் விமான நிலையங்களை மூடியிருப்பதாகவும் கூறப்பட்டது.
கே. கோவிந்தராஜன், நீதிபதி டி. பரத சக்ரவர்த்தியிடம், ஈரானில் சிக்கித் தவிக்கும் இந்தியர்களுக்கு இந்திய தூதரகம் தேவையான உதவிகளை வழங்கி வருவதாக தெரிவித்தார். மேலும், அங்கு வசிக்கும் மக்களுக்காக உதவி எண்கள் மற்றும் மின்னஞ்சல் முகவரிகள் பகிரப்பட்டுள்ளதாகவும் அவர் குறிப்பிட்டார். இதனை பதிவு செய்த சென்னை உயர்நீதிமன்ற மதுரைக் கிளை நீதிமன்றம், இது தொடர்பான மனுக்களை தள்ளுபடி செய்தது.
இந்நிலையில், திருநெல்வேலி மக்களவை உறுப்பினர் சி. ராபர்ட் புரூஸ், புதுடெல்லியில் வெளியுறவுத்துறை அமைச்சர் எஸ். ஜெய்சங்கரை சந்தித்து, இடிந்தகரை பகுதியைச் சேர்ந்த 43 மீனவர்களை மீட்க நடவடிக்கை எடுக்க வேண்டும் என கோரிக்கை விடுத்தார்.
இதையும் படிங்க: ரஜினியை மிரட்டியது திமுக.. அதனால் தான் அவர்.. ஆதவ் அர்ஜுனா!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
