சென்னையில் ஆக.14 மின்தடை.. திருவொற்றியூர் மக்களே நோட் பண்ணுங்க!

Power Shutdown in Chennai: சென்னையில் வெள்ளிக்கிழமை (14-08-2026) பராமரிப்பு பணிகளுக்காக மின்சாரம் நிறுத்தப்படும் பகுதிகள் அறிவிக்கப்பட்டுள்ளன.

சென்னையில் மின்தடை

BySaranya JK

Published on: August 13, 2026 at 12:27 pm

சென்னை, ஆக.13, 2026: சென்னையில் வெள்ளிக்கிழமை (14-08-2026) பராமரிப்பு பணிகளுக்காக மின்சாரம் நிறுத்தப்படும் பகுதிகள் அறிவிக்கப்பட்டுள்ளன. காலை 09.00 மணி முதல் மதியம் 02.00 மணி வரை மின் விநியோகம் தற்காலிகமாக நிறுத்தப்படும். பராமரிப்பு பணிகள் முடிந்தவுடன், பிற்பகல் 02.00 மணிக்கு முன்பே மின் விநியோகம் மீண்டும் வழங்கப்படும் என அதிகாரிகள் தெரிவித்துள்ளனர்.

திருவொற்றியூர் மற்றும் அதன் சுற்றுப்புறங்களில் பல்வேறு பகுதிகள் இந்த மின்தடை அறிவிப்பில் அடங்குகின்றன. டி.எச். சாலை, ராஜாக்கடை, திருச்சினாங்குப்பம், கன்னிகோயில் தெரு, அப்பர்சாமி கோயில் தெரு, கணக்கர் தெரு, எல்லையம்மன் கோயில் தெரு, மார்க்கெட் லேன், எண்ணூர் எக்ஸ்பிரஸ் சாலை, சாத்தங்காடு பகுதி, புதுத்தெரு, வசந்தா நகர், ஜாண்ட்ரவர் தெரு, ஐயப்பள்ளி தோட்டம், சேஷாசல கிராமணி தெரு, திலகர் நகர், மேட்டுப் பாலயம் மேற்கு, மேட்டுப் பாலயம், மேற்கு பாலம், திலகர் நகர் பிகேஎன் காலனி, வீரராகவன் தெரு, குமரன் நகர், கோமாதா நகர், பிபிடி சாலை ஆகியவை இதில் அடங்குகின்றன.

மின்சாரம் நிறுத்தப்படும் நேரத்தில், பொதுமக்கள் தங்களது அத்தியாவசிய தேவைகளுக்கான ஏற்பாடுகளை முன்கூட்டியே செய்து கொள்ளுமாறு அறிவுறுத்தப்பட்டுள்ளது. குறிப்பாக, மின்சாரத்தை சார்ந்த சாதனங்கள், மருத்துவ உபகரணங்கள், வணிக நடவடிக்கைகள் ஆகியவற்றில் இடையூறு ஏற்படாமல் பார்த்துக்கொள்ளுமாறு அதிகாரிகள் கேட்டுக்கொண்டுள்ளனர்.

இந்த பராமரிப்பு பணிகள், மின் விநியோகத்தின் தரத்தை மேம்படுத்தும் நோக்கில் மேற்கொள்ளப்படுகின்றன. மின் விநியோகம் சீராகவும் பாதுகாப்பாகவும் நடைபெறுவதற்காக, இத்தகைய பராமரிப்பு நடவடிக்கைகள் அவ்வப்போது மேற்கொள்ளப்படுவது வழக்கமாகும். பொதுமக்கள் தற்காலிக சிரமங்களை பொறுத்துக்கொண்டு, மின் விநியோகத்தின் நீண்டகால நன்மைகளை அனுபவிக்க வேண்டிய நிலை உள்ளது.

இதையும் படிங்க : மதுவுக்கு எதிராக 94 நாட்கள் மௌன போராட்டம்.. காந்தியவாதி பிராங்க்ளினுக்கு அண்ணாமலை வாழ்த்து!