தமிழ்நாட்டில் நாளை போலியோ சொட்டு மருந்து முகாம்.. சொட்டு மருந்து கொடுக்க மறவாதீர்!

Polio Drops 2026 : தமிழ்நாடு முழுவதும் நாளை (ஜூன் 28) போலியோ சொட்டு மருந்து சிறப்பு முகாம் நடைபெறுகிறது.

போலியோ சொட்டு மருந்து முகாம்

BySaranya JK

Published on: June 27, 2026 at 10:45 am

சென்னை, ஜுன் 27 2026: தமிழ்நாடு முழுவதும் நாளை (ஜூன் 28) தேசிய போலியோ சொட்டு மருந்து சிறப்பு முகாம் நடைபெற உள்ளது. மக்கள் நல்வாழ்வுத்துறை அறிவிப்பின்படி, மாநிலம் முழுவதும் 43,051 மையங்களில் போலியோ சொட்டு மருந்து வழங்க ஏற்பாடு செய்யப்பட்டிருக்கிறது. இந்த மையங்கள் காலை 7 மணி முதல் மாலை 5 மணி வரை செயல்படும்.

இந்த முகாமில் 0 முதல் 5 வயதிற்குட்பட்ட குழந்தைகள் அனைவருக்கும் போலியோ தடுப்பு மருந்து வழங்கப்படும். மாநிலத்தில் உள்ள 52.91 லட்சம் குழந்தைகள் இந்த முகாமின் மூலம் தடுப்பூசி பெறுவார்கள் என அதிகாரிகள் தெரிவித்துள்ளனர். குறிப்பாக, பிற மாநிலங்களில் இருந்து வந்த தொழிலாளர்களின் குழந்தைகளுக்கும் இந்த தடுப்பூசி வழங்கப்படும்.

மக்கள் நல்வாழ்வுத்துறை, போலியோ தடுப்பு நடவடிக்கைகள் மாநிலம் முழுவதும் சிறப்பாக நடைபெறுவதற்காக மாவட்ட வாரியாக மருத்துவர்கள், செவிலியர்கள், சுகாதார ஊழியர்கள் ஆகியோரை நியமித்துள்ளது. பள்ளிகள், அரசு மருத்துவமனைகள், தனியார் மருத்துவமனைகள், சமூக மையங்கள் உள்ளிட்ட இடங்களில் தடுப்பூசி வழங்கும் மையங்கள் அமைக்கப்பட்டுள்ளன.

இந்த முகாமின் மூலம், தமிழ்நாடு முழுவதும் போலியோ நோய் முற்றிலும் ஒழிக்கப்பட வேண்டும் என்பதே அரசின் நோக்கம். மக்கள் தங்கள் குழந்தைகளை அருகிலுள்ள மையங்களுக்கு அழைத்து சென்று தடுப்பூசி வழங்க வேண்டும் என சுகாதாரத்துறை வலியுறுத்தியுள்ளது.

இதையும் படிங்க திரைக்கதை மன்னன் கே. பாக்யராஜ் மரணம்.. திரை உலகினர் அதிர்ச்சி!