திமுகவும் அதிமுகவும் ஒரே அணியில்.. மார்க்சிஸ்ட் சண்முகம்!

Marxist P. Shanmugam : திமுகவும் அதிமுகவும் வரும் காலத்தில் ஒரே அணியாக இணைந்து செயல்படக்கூட வாய்ப்புகள் இருப்பதாக மார்க்சிஸ்ட் கம்யூனிஸ்ட் கட்சியின் மாநிலச் செயலாளர் சண்முகம் தெரிவித்துள்ளார்.

மார்க்சிஸ்ட் கம்யூனிஸ்ட் கட்சியின் மாநிலச் செயலாளர் சண்முகம்

ByPushpa Gopinath

Published on: June 21, 2026 at 1:02 pm

Updated on: June 21, 2026 at 8:16 pm

சென்னை ஜூன் 21, 2026; மார்க்சிஸ்ட் கம்யூனிஸ்ட் கட்சியின் மாநில செயலாளர் சண்முகம், திராவிடக் கட்சிகள் குறித்து கடுமையான விமர்சனங்களை வெளியிட்டுள்ளார். “திராவிடக் கட்சிகள் தங்களின் விழுமியங்கள் மற்றும் கொள்கைகளை தற்காலத்தில் முழுமையாக கடைபிடிப்பதில்லை; ஆணவக் கொலைகளை தடுக்க சட்டங்கள் இயற்றவில்லை, அதே நேரம் அந்த கொலைகளுக்கு எதிராக உறுதியாக களத்தில் நின்று போராடவும் இல்லை” என்று அவர் தெரிவித்துள்ளார்.

அவர் மேலும் கூறுகையில், “இப்படி அவர்கள் தங்கள் கொள்கைகள் மற்றும் விழுமியங்களில் பல சமரசங்களை செய்துள்ளார்கள். ஆகவே வரும் காலத்தில் இந்த இரண்டு கட்சிகளும் இணைந்து ஒரே கட்சியாக செயல்பட்டால் கூட ஆச்சரியப்படுவதற்கு இல்லை” என குறிப்பிட்டார். இதனால், தமிழக அரசியல் வட்டாரங்களில் புதிய விவாதங்கள் எழுந்துள்ளன.

திராவிடக் கட்சிகள், சமூக நீதி மற்றும் சமத்துவம் போன்ற அடிப்படை விழுமியங்களை முன்னிறுத்தி வந்தாலும், நடைமுறையில் பல சமரசங்கள் செய்து வருவதாக சண்முகம் குற்றம்சாட்டியுள்ளார். குறிப்பாக, ஆணவக் கொலைகள் போன்ற சமூக பிரச்சினைகளில் உறுதியான நடவடிக்கைகள் எடுக்கப்படவில்லை என்பதே அவரது குற்றச்சாட்டு.

இந்த கருத்துகள், தமிழக அரசியல் சூழலில் திராவிடக் கட்சிகளின் எதிர்கால நிலைப்பாடுகள் குறித்து கேள்விகளை எழுப்பியுள்ளன. அரசியல் வட்டாரங்களில், திமுக மற்றும் அதிமுக இடையே எதிர்காலத்தில் ஏற்படக்கூடிய இணைப்பு குறித்து ஊகங்கள் பரவலாக பேசப்பட்டு வருகின்றன.

இதையும் படிங்க வெள்ளிக்கிழமை முக்கிய முடிவு.. வைகோ வெளியிட்ட அறிக்கை.. தமிழக அரசியலில் பரபரப்பு!