புனித ஜார்ஜ் கோட்டை தேவாலயத்தில் முதல்வர் விஜய்.. உற்சாக வரவேற்பு

CM Vijay : தமிழக முதலமைச்சர் விஜய், புனித ஜார்ஜ் கோட்டை தேவாலயத்தை பார்வையிட்டார்.

புனித ஜார்ஜ் கோட்டை தேவாலயத்தில் விஜய்

BySaranya JK

Published on: May 23, 2026 at 9:38 pm

சென்னை, மே 23, 2026: தமிழ்நாடு முதலமைச்சராக பதவியேற்ற 12 நாட்களுக்குப் பிறகு, முதலமைச்சர் விஜய், சென்னை கோட்டைச் சின்னங்களை பார்வையிட்டார். இந்நிலையில், முதலமைச்சர் விஜய் முதலில் செயின்ட் மேரிஸ் தேவாலயத்தை பார்வையிட்டார்.

இது இந்தியாவின் பழமையான தேவாலயங்களில் ஒன்று என்பதால், வரலாற்று முக்கியத்துவம் வாய்ந்த இடமாக கருதப்படுகிறது.
பின்னர், ஆர்க்கியாலஜிக்கல் சர்வே ஆஃப் இந்தியா கட்டுப்பாட்டில் இயங்கும் அருங்காட்சியகத்தை பார்வையிட்டார்.

அப்போது, அதிகாரிகள், கோட்டையின் வரலாற்று முக்கியத்துவம் மற்றும் காட்சிப்படுத்தப்பட்ட பழமையான பொருட்கள் குறித்து முதல்வருக்கு விளக்கமளித்தனர். இதையடுத்து, முதல்வர், சென்னை மாநகராட்சி ஏற்பாடு செய்த பேட்டரி வாகனத்தில் வளாகத்துக்குள் பயணம் செய்தார்.

அரைமணி நேரம் நீடித்த பயணத்தின் போது, தமிழக வெற்றிக் கழகத் தொண்டர்கள், செயலக ஊழியர்கள் மற்றும் பொதுமக்கள் வழியெங்கும் திரண்டு, முதல்வர் விஜய்க்கு வரவேற்பளித்தனர்.
சென்னையில் உள்ள பாரம்பரிய புனித ஜார்ஜ் கோட்டை, நாட்டின் பழமையான நிர்வாக வளாகங்களில் ஒன்று, தமிழ்நாடு செயலகம் மற்றும் பல முக்கிய அலுவலகங்களை கொண்டுள்ளது என்பது குறிப்பிடத்தக்கது.

இதையும் படிங்க : தமிழக அரசியலை லாட்டரி குடும்பம் ஆள்கிறது.. தி.மு.க அமைப்புச் செயலாளர் ஆர்.எஸ் பாரதி