பொன்முடி மீது சேறு வீசப்பட்ட விவகாரம் : பெண்ணுக்கு ஜாமீன் மறுப்பு

Ponmudy mud slinging case | திமுக அமைச்சர் பொன்முடி மீது சேற்றை வாரி இறைத்ததாகக் குற்றம் சாட்டப்பட்ட பாஜக பெண் தொண்டர் தாக்கல் செய்த முன்ஜாமீன் மனுவை சென்னை உயர் நீதிமன்றம்தள்ளுபடி செய்தது.

பொன்முடி

BJP woman worker denied bail in Ponmudi mud-throwing case

ByDravidan Times Bureau

Published on: January 3, 2025 at 5:18 pm

Updated on: January 4, 2025 at 5:51 pm

பொன்முடி மீது சேறு வீசப்பட்ட விவகாரம் | விழுப்புரம் மாவட்டம் புயல் மழையால் பாதிக்கப்பட்ட நிலையில், பாதிக்கப்பட்ட பகுதிகளை ஆய்வு செய்ய திமுக அமைச்சர் பொன்முடி சென்றிருந்தார். அப்போது அவர்மீது அப்பகுதியினர் அவர் மீது சேற்றை வாரி இறைத்தனர்.

பெங்கல் புயலின்போது போது பெய்த கனமழையைத் தொடர்ந்து, விழுப்புரத்தின் பல பகுதிகளில் மக்கள் வீடுகள் சேதமடைந்து இரண்டு நாட்களாக வீடுகளுக்குள்ளேயே முடங்கும் நிலை ஏற்பட்டது. உடனடியாக நடவடிக்கை எடுக்கக் கோரியும், அரசு உதவி செய்யக் கோரியும் அப்பகுதி மக்கள் போராட்டத்தில் ஈடுபட்டனர்.

இந்நிலையில், வனத்துறை அமைச்சர் பொன்முடி மாவட்டத்தில் வெள்ளம் பாதித்த பகுதிகளுக்கு நேரில் சென்று நிலைமையை ஆய்வு செய்தனர். அப்போது அப்பகுதியினர் சிலர் அமைச்சர் மற்றும் அவரின் ஆதரவாளர்கள் மீது சேறு வீசு வீசப்பட்டதாக புகார்கள் எழுந்தது. இந்த விவகாரத்தில் விஜயராணி என்ற பெண் மீது போலீசார் வழக்குப் பதிவு செய்தனர்.

இதைத் தொடர்ந்து, குற்றம் சாட்டப்பட்டவர், தான் வெறும் பார்வையாளர் என்றும், இந்த சம்பவத்திற்கும் தனக்கும் எந்த தொடர்பும் இல்லை என்றும் கூறி சென்னை உயர் நீதிமன்றத்தில் முன்ஜாமீன் மனு தாக்கல் செய்தார்.

இந்த வழக்கு இன்று (வெள்ளிக்கிழமை) விசாரணைக்கு வந்தநிலையில், அந்தப் பெண் வெள்ளத்தால் பாதிக்கப்படவில்லை என்றும், முற்றிலும் அரசியல் காரணங்களுக்காக அமைச்சர் மீது சேற்றை வீசியதாகவும் அரசு வழக்கறிஞர் சுட்டிக்காட்டினார், அதைத் தொடர்ந்து அவரது ஜாமீன் மனுவை சென்னை உயர்நீதிமன்றம் தள்ளுபடி செய்தது.

இதையும் படிங்க