அன்னை தமிழ்தான் உலகின் மூத்த மொழி; அன்புமணி ராமதாஸ்

Anbumani Ramadoss: அன்னை தமிழ் தான் அகில உலகின் மூத்த மொழி எனக் குறிப்பிட்டுள்ள பா.ம.க. தலைவர் மருத்துவர் அன்புமணி ராமதாஸ், “தேவையற்ற சர்ச்சைகள் தவிர்க்கப்பட வேண்டும்” எனவும் தெரிவித்துள்ளார்.

மருத்துவர் அன்புமணி ராமதாஸ்

Anbumani Ramadoss says Mother Tamil is the oldest language in the world

BySaranya JK

Published on: May 29, 2025 at 12:36 pm

சென்னை, மே 29 2025: பா.ம.க. தலைவர் மருத்துவர் அன்புமணி ராமதாஸ் மே 28ஆம் தேதி விடுத்துள்ள அறிக்கையில், “ தமிழிலிருந்து பிறந்தது தான் கன்னடம் என்று நடிகர் கமலஹாசன் கூறியதை அடிப்படையாக வைத்து கர்நாடகத்தில் அவருக்கு எதிராக போராட்டங்கள் வெடித்திருக்கின்றன.

நடிகர் கமலஹாசனுக்கு கர்நாடக முதலமைச்சர் சித்தராமைய்யாவும் கண்டனம் தெரிவித்திருக்கிறார். தமிழ் மொழியின் முதுமையை உலகமே ஏற்றுக்கொண்டிருக்கும் நிலையில், அது குறித்த தேவையற்ற சர்ச்சைகளை ஏற்படுத்துவது கண்டிக்கத்தக்கதாகும்” எனத் தெரிவித்துள்ளார்.

தொடர்ந்து பேசிய அவர், “உலகின் மூத்த மொழிகளாக அறியப்படுபவை லத்தீன், கிரீன், ஹீப்ரு, சமஸ்கிருதம், அரபி, மாண்டரின் உள்ளிட்டவை தான், இந்த மொழிகள் அனைத்தையும் விட மூத்த மொழி அன்னை தமிழ் தான். தமிழில் இருந்தும் தான் பிற திராவிட மொழிகள் பிறந்தன என்பது மொழி ஆராய்ச்சியாளர்களால் நிரூபிக்கப்பட்ட உண்மை. தாயை விட மகள் மூத்தவராக இருக்க முடியாது. இதன் மீது எவரும் வினா தொடுக்க முடியாது.

கன்னட மொழிக்கென்று பல சிறப்புகள் இருப்பதை மறுக்க முடியாது. 2004-ஆம் ஆண்டில் தமிழ் செம்மொழியாக அறிவிக்கப்பட்ட நிலையில், கன்னடமும், தெலுங்கும் 2008-ஆம் ஆண்டில் செம்மொழியாக அறிவிக்கப்பட்டன. எனவே, அனைத்து மொழிகளும் அவற்றின் பழமை, இலக்கியச் செழுமைக்காக போற்றப்பட வேண்டும். அதை விடுத்து மொழிகளை அடிப்படையாகக் கொண்ட சர்ச்சைகள் தவிர்க்கப்பட வேண்டும்” எனக் குறிப்பிட்டுள்ளார்.

இதையும் படிங்க : நெல் கொள்முதல் விலையை ரூ.69 மட்டும் உயர்த்துவது போதுமானதல்ல; மருத்துவர் ராமதாஸ்