மகளிர் ஜுனியர் ஆசிய கோப்பை ஹாக்கி 2024 : இறுதிப் போட்டிக்கு முன்னேறிய இந்தியா

மகளிர் ஜுனியர் ஆசிய கோப்பை ஹாக்கி போட்டியில் இந்திய அணி ஜப்பானை வீழ்த்தி இறுதி போட்டிக்கு முன்னேறி உள்ளது.

இறுதிப் போட்டிக்கு முன்னேறிய இந்தியா

Women's Junior Asia Cup Hockey 2024: India advances to final

ByDravidan Times Bureau

Published on: December 14, 2024 at 9:48 pm

Updated on: December 15, 2024 at 9:26 am

Women’s Junior Asia Cup 2024 | ஓமன் தலைநகர் மஸ்கட்டில் 9-வது பெண்கள் ஜூனியர் ஆசிய கோப்பை ஹாக்கி போட்டி நடந்து வருகிறது.

இதில் லீக் சுற்று முடிவில் ‘ஏ’ பிரிவில் சீனா முதலிடமும், இந்தியா 2-வது இடமும், ‘பி’ பிரிவில் ஜப்பான்முதலிடமும், தென் கொரியா 2-வது இடமும் பிடித்து அரைஇறுதிக்கு முன்னேறின.

இன்று முதலாவது அரையிறுதி போட்டி நடைபெற்றது. இதில் நடப்பு சாம்பியன் இந்திய அணி, ஜப்பானை எதிர்கொண்டது. விறுவிறுப்பாக நடைபெற்ற இந்த ஆட்டத்தில் இந்திய அணி 3-1 என்ற கோல் கணக்கில் ஜப்பானை வீழ்த்தி இறுதிப்போட்டிக்கு முன்னேறியது.

இந்திய அணி சார்பில் மும்தாஜ் கான், சாக்ஷி ராணா மற்றும் திபீகா ஆகியோர் தலா ஒரு கோல் அடித்தனர். மற்றொரு அரையிறுதி ஆட்டத்தில் முன்னாள் சாம்பியன்களான சீனா – தென் கொரியா அணிகள் மோதி வருகின்றன. இந்த ஆட்டத்தில் வெற்றி பெறும் அணி இறுதிப்போட்டியில் இந்தியாவுடன் மோதும்.

நாளை (டிசம்பர் 15, 2024) இந்திய நேரப்படி 8:30 மணியளவில் நடைபெறும் ஆட்டத்தில் இந்தியா சீனா அல்லது கொரியாவை இறுதிப் போட்டியில் எதிர்கொள்ளும்.

இதையும் படிங்க கேரள லாட்டரி : ரூ. 80 லட்சம் வென்ற அதிர்ஷ்டசாலி யார் தெரியுமா?