CWG 2026: கிளாஸ்கோ காமன்வெல்த் விளையாட்டுப் போட்டியின் இறுதிநாளில் ஜூடோ, டிராக் சைக்கிளிங் உள்ளிட்ட பிரிவுகளில் இந்தியா மேலும் பதக்கங்களை எதிர்நோக்கியுள்ளது. 13 தங்கம் உள்பட 39 பதக்கங்களுடன் பதக்கப் பட்டியலில் இந்தியா 4-வது இடத்தில் உள்ளது.
CWG 2026: கிளாஸ்கோ காமன்வெல்த் விளையாட்டுப் போட்டியின் இறுதிநாளில் ஜூடோ, டிராக் சைக்கிளிங் உள்ளிட்ட பிரிவுகளில் இந்தியா மேலும் பதக்கங்களை எதிர்நோக்கியுள்ளது. 13 தங்கம் உள்பட 39 பதக்கங்களுடன் பதக்கப் பட்டியலில் இந்தியா 4-வது இடத்தில் உள்ளது.
Published on: August 2, 2026 at 3:06 pm
கிளாஸ்கோ, ஆகஸ்ட் 2, 2026: ஸ்காட்லாந்தின் கிளாஸ்கோவில் நடைபெற்று வரும் காமன்வெல்த் விளையாட்டுப் போட்டி 2026-ன் இறுதிநாளில், ஜூடோ மற்றும் டிராக் சைக்கிளிங் போட்டிகளில் இந்திய வீரர்கள் பதக்க வேட்டையில் களமிறங்குகின்றனர்.
ஜூடோவில் ஆடவர் 100 கிலோ எடைப்பிரிவில் அவ்தார் சிங், +100 கிலோ பிரிவில் யாஷ் கங்காஸ், மகளிர் 78 கிலோ பிரிவில் இஷ்ரூப் நரங் ஆகியோர் போட்டியிடுகின்றனர். டிராக் சைக்கிளிங்கில் ஆடவர் 1,000 மீட்டர் டைம் ட்ரையல் பிரிவில் ரொனால்டோ லைடோன்ஜம் இந்தியாவின் நம்பிக்கையாக உள்ளார். மாற்றுத்திறனாளிகளுக்கான டிராக் சைக்கிளிங் போட்டிகளும் இறுதிநாளில் நடைபெறுகின்றன.
10-வது நாள் போட்டிகள் நிறைவில் இந்தியா 16 பதக்கங்களை வென்று, மொத்தம் 13 தங்கம், 17 வெள்ளி, 9 வெண்கலம் என 39 பதக்கங்களுடன் பதக்கப் பட்டியலில் 4-வது இடத்துக்கு முன்னேறியது. இதில் குத்துச்சண்டை அணி மிகப்பெரிய பங்களிப்பை வழங்கியது. இந்தியா, குத்துச்சண்டையில் 7 தங்கம் மற்றும் 3 வெள்ளிப் பதக்கங்கள் வென்று, காமன்வெல்த் போட்டி வரலாற்றில் தனது சிறந்த சாதனையை பதிவு செய்து, அந்தப் பிரிவின் பதக்கப் பட்டியலிலும் முதலிடம் பிடித்தது.
ஆடவர் 80 கிலோ பிரிவில் அங்குஷ் பங்கால், 60 கிலோ பிரிவில் சச்சின் சிவாச் தங்கம் வென்றனர். மகளிர் பிரிவில் ஜாஸ்மின் லம்போரியா, ப்ரீத்தி பவார், சாக்ஷி சவுதரி, பிரியா கங்காஸ், அருந்ததி சவுதரி ஆகியோரும் தங்கப் பதக்கங்களை கைப்பற்றினர். நரேந்தர் பெர்வால், ஒலிம்பிக் பதக்க வீராங்கனை லவ்லினா போர்கோஹைன் மற்றும் ஜாதுமணி சிங் ஆகியோர் வெள்ளிப் பதக்கங்களை வென்றனர்.
குல்வீர் சிங் புதிய மைல்கல்
தடகளத்தில் குல்வீர் சிங், ஆடவர் 5,000 மீட்டர் ஓட்டத்தில் வெண்கலம் வென்று, 10,000 மீட்டரில் வென்ற வெள்ளியுடன் ஒரே காமன்வெல்த் தொடரில் இரண்டு பதக்கங்கள் வென்ற முதல் இந்திய தடகள வீரர் என்ற வரலாற்றுச் சாதனையை படைத்தார்.
மாற்றுத்திறனாளிகள் தடகளத்தில் ஆடவர் ஷாட்புட் F57 பிரிவில் சோமன் ராணா தங்கமும், சுபம் ஜுயால் வெள்ளியும் வென்று இந்தியாவுக்கு இரட்டை மேடை வெற்றியை பெற்றுத்தந்தனர். முத்தாண்டுத் தாண்டுதலில் பிரவீன் சித்ரவேல் வெள்ளியும், செல்வ பிரபு திருமாறன் வெண்கலமும் வென்றனர். ஜூடோ மகளிர் 63 கிலோ பிரிவில் உன்னதி சர்மா வெண்கலப் பதக்கத்தை கைப்பற்றினார்.
இதையும் படிங்க : ஜூடோவில் வெள்ளி வென்று அசத்திய யாமினி மவுர்யா… குடியரசுத் தலைவர், பிரதமர் பாராட்டு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
