ஹனி ட்ராப் அபாயம்.. கேள்வி குறியாகும் ஐ.பி.எல் வீரர்களின் பாதுகாப்பு?

Honey Trap Warning : ஐ.பி.எல் 2026-இல் வீரர்களின் பாதுகாப்பை உறுதி செய்ய பி.சி.சி.ஐ புதிய கடுமையான விதிமுறைகளை அறிவித்துள்ளது.

ஐ.பி.எல்

ByPunitha Rajesh

Published on: May 8, 2026 at 8:35 pm

Updated on: May 8, 2026 at 8:36 pm

புதுடெல்லி, மே 8, 2026: ஐ.பி.எல் 2026-இல் வீரர்களின் பாதுகாப்பை உறுதி செய்ய இந்திய கிரிக்கெட் வாரியம் புதிய கடுமையான விதிமுறைகளை அறிவித்துள்ளது. வீரர்களின் ஹோட்டல் அறைகளில் அனுமதியில்லாத நபர்கள் நுழைவது முற்றிலும் தடை செய்யப்பட்டுள்ளது. ‘ஹனிட்ராப்’ அபாயங்கள் மற்றும் பாதுகாப்பு சிக்கல்கள் குறித்து எச்சரிக்கை விடுக்கப்பட்டுள்ளது.

ஹோட்டல் அறை அணுகல் கட்டுப்பாடு

வீரர்கள், ஆதரவு பணியாளர்கள், அதிகாரிகள் ஆகியோரின் ஹோட்டல் அறைகளில் எந்த விருந்தினரும் நுழைய அணி மேலாளர் எழுத்து அனுமதி பெற வேண்டும்.
அணி மேலாளர் அறியாமல் சிலர் அறைகளில் நுழைந்த சம்பவங்கள் நடந்துள்ளதால், உடனடியாக தடை விதிக்கப்பட்டுள்ளது.
விருந்தினர்கள் லாபி அல்லது பொதுப் பகுதிகளில் மட்டுமே சந்திக்க அனுமதி; தனிப்பட்ட அறைகளுக்கு அழைத்துச் செல்லக் கூடாது.

என்ன காரணம்

இந்திய கிரிக்கெட் கட்டுப்பாட்டு வாரியம் ‘ஹனிட்ராப்’ அபாயங்கள் மற்றும் சட்ட ரீதியான சிக்கல்கள் குறித்து எச்சரித்துள்ளது.
அனுமதியில்லாத நபர்கள் அறைகளில் நுழைவது, பெரும் புகழ் சேதம் மற்றும் சட்ட நடவடிக்கைகள் ஏற்படுத்தக்கூடும்.
பாலியல் தவறுகள் தொடர்பான குற்றச்சாட்டுகள் எழும் அபாயம் இருப்பதாகவும் பி.சி.சி.ஐ குறிப்பிட்டுள்ளது.

புதிய நடைமுறைகள்

அனைத்து வீரர்களும், ஆதரவு பணியாளர்களும் நிலையான கட்பாட்டு விதிமுறைகளை பின்பற்ற வேண்டும்.
வீரர்கள் மற்றும் பணியாளர்கள் அசாதாரண நேரங்களில் ஹோட்டலை விட்டு வெளியேறக் கூடாது; வெளியேற வேண்டுமெனில் உரிய பாதுகாப்புடன் செல்ல வேண்டும்.
வீப்பிங் (vaping) மற்றும் தடை செய்யப்பட்ட பொருட்கள் ஐ.பி.எல் அரங்குகளில் முற்றிலும் தடை செய்யப்பட்டுள்ளன.

இதையும் படிங்க : சொந்த மண்ணில் அதிரடி காட்டிய லக்னோ.. டி.எல்.எஸ் விதிப்படி வெற்றி!